DO`STLARGA ULASHING:
«Kim bo’lsam ekan?» nomli tadbir ssenariysi
“ Kim bo’lsam ekan?”
Zal bayramona bezatilgan. Gullar, bukletlar,milliyligimiz aks etgan milliy urf- odatlarimiz namunalari, milliy hunarmandchilik namunalari. Turli kasb egalarining fotosuratlari yoki kiyimlaridan namunalar…
-
boshlovchi:
-
Har tamondan maktab tamon
Ko’plab mehmon keladi,
Ushbu kungi quvonchimizga
Birday sherik bo’ladi.
-
boshlovchi:
-
Keling avval mehmonlarni
Tezda kutib olaylik
Ustoz bergan odob bilan
Salom- alik qilaylik.
-
boshlovchi:
-
Mehri go’yo oftob bo’lgan
Har so’zi bir kitob bo’lgan
Qilgan ishi savob bo’lgan
Otajonlar assalom
-
boshlovchi:
-
salom sizga onajonlar
parvonasiz bizlarga
shodligimiz sheriklari
bizday o’g’il- qizlarga
-
boshlovchi:
-
assalom, ustozlar,mehri dayolar
ilm- fan bog’ida,asl donolar
-
boshlovchi:
-
Katta- kichik baringizga
yo’llagaymiz biz salom
Ta’zim sizga, hurmat sizga
Deymiz: Salom, assalom!
-
boshlovchi:
Assalomu alaykum, qadrli mehmonlar, onajon, otajonlar, aziz ustozlar, tengdosh do’st va dugonalar! Bugun biz yosh shogird bo’lib, aziz mehmonlarimiz uchun tayyorlagan bayramimizni namoyish etamiz. Do’slar keeling, bayramimizni “Kim bo’lsam ekan?” deb nomlasak.
Hamma:
-
Xush kelibsiz do’stlar, bayramimizga,
Mehmon bo’ling maktab, bayram kechamizga.
Madhiya yangraydi.
-
o’quvchi:
Kasblar ko’pdir dunyoda
bir- biridan ziyoda
Kasb- hunarni egallar
Ishtiyoqqa egalar
Orzuli bo’lsa yurak
Bajo bo’lar har istak..
-
o’quvchi:
-
Dunyoda kasblar ham, hunarlar ham ko’p, son- sanog’I yo’q. Ammo uni egallash uchun insondan qunt va sabr- qanoat hamda bilim talab etiladi. To’g’ri insondan yana iste’dod ham talab etiladi. Agar inson astoydil biron bir ishni bajarishni maqsad qilib qo’ysa, unga albatta erishadi.Iste’dod ham o’z- o’zidan tug’ilishi mumkin.
Sahna ko’rinish
( Otaning vasiyati, bog’)
Binafsha guruhi ijro etgan qo’shiqqa raqs “Orzular”
1- boshlovchi:
— Dugonajon, keling, kasblar olamiga sayohat qilib ko’raylik, hozirgina ijro etilgan “Orzular” qo’shig’ini eshitib, kasb va hunardan qaysi birini egallash va hayotda o’z o’rnimga ega bo’lish haqida o’ylab qoldim.
2- boshlovchi:
— marhamat, o’rtoqjon, do’stlarimiz bugun juda ko’p kasb va hunarlar haqida ma’lumotlar beradiki, birvarakayiga barchasini egallagingiz kelib qoladi.
3- o’quvchi:
— Bo’lsammikan agronom,
Juda jarangli bu nom.
O’stirar edim paxta,
Butadamas daraxtda.
Hayron qolishsa shu on,
Eh, qoyil, O’zbekiston! 4- o’quvchi:
Yo bo’lsammi bo’yoqchi,
Uni ishiga boq-chi!
Bo’yalgan zahot xona
Go’zallashadi yana…
( Har bir kasb va hunar egalarini she’rini aytayotgan o’quvchi formasiga e’tiboringizni qarating!)
5- o’quvchi:
Yo bo’lsammi duradgor,
Bu ishda ko’p hikmat bor.
Qo’limda turgan taxta
Birpasdan so’ng xontaxta
Stol,stul, kitob javon
Qarab turgin-u quvon.
6- o’quvchi:
Sen ham maslahat berchi,
Bo’laymikina elchi?
Samoyot qo’nar shu on,
Bu manzil Farangiston
Deyman: Azizlar, salom!
Bonju hammamiz omon.
( Sartarosh haqida qo’shiq sahnalashtirib, raqs ijro etiladi)
7- o’quvchi:
Bo’laymikan fazogir,
Yerni aylanay gir- gir.
So’ng esa qo’nsam oyga,
Oy bilan qilay poyga.
O’tsam mushtariy tomon,
yuborsam yerga salom.
Desam:”Aziz ona- yurt
Farzandingni omon kut!”
8- o’quvchi:
Bo’samikkan geolog,
Yurzam, kezsam tog’ma- tog’
Ma’danga to’la zamin
Juda uzoq o’ylab men.
Topsam ko’plab ma’danlar
Hayron qolsin odamlar!
Sahna ko’rinish ( Otaning farzandini ko’p marotaba mehnat qilishga undashi)
9- o’quvchi:
Orzu qildim bo’lay haydovchi,
Qo’l ko’tarsa qaysi yo’lovchi
Mashinam g’iz- g’iz etsa,
Darrov manzilga eltsam…
10- o’quvchi:
Bo’lgim keldi-yu kulol,
Sizni qilib hayron,lol.
Yasasam ko’za, idish,
Juda maroqli bu ish
Ter to’kib ishlab rosa
Yasayman lagan ,kosa
11- o’quvchi:
Men- chi kompyuterni
egallab mutloq,
informatikadan beraman saboq
1- boshlovchi:
Biz do’stlarimizning kasblarga berib o’tayotgan ta’riflaridan
kasblar haqida tasavvurga ega bo’libgina qolmay, balki ana shu kasblarga tayyorlanishni, shu kasblarning mohir ustasi bo’lishni o’z oldimizga maqsad qilib qo’ydik.
-
boshlovchi:
Biz orzu qilishni o’rgandik. Orzular esa bizlarni yuksaklikka yetaklaydi. Yana ham ko’proq bilim olishga, Vatanimiz uchun munosib farzand bo’lishga undaydi.
(“ Tulpor” qo’shig’i)
12- o’quvchi:
Men istayman bo’lmoq shifokor,
Dard bor joyda albat davo bor
Shifokorlar zahmati hayhot
Bunyod etmoq shod, sog’lom avlod
13- o’quvchi:
Bo’lay dedim jurnalist
Xabar yozsam juda tez
Va electron pochtada
Yuborsam uni birdan
O’quvchimga havola
Qilay manzur maqola
14- o’quvchi:
Yo militsioner bo’lay,
Doim postimda turay.
Sezgir bo’lsam bag’oyat,
Bo’lmas biror jinoyat
( Raqs Rayhon “Orzular”)
15- o’quvchi:
Ustozimga havas qilib,
Bo’laymikan o’qituvchi
Bilimlarga yo’llovchi,
O’qisak turli qiziq kitob
Savolga topsak javob,
Song hammaga peshma- pesh
Qo’ysam faqat a’lo-“ besh”
16- o’quvchi:
Atrofga nazar tashlang,
Kasb- hunar ko’p, rang- barang.
Hammasin eslab ko’ring,
Biriga ega bo’ling,
17- o’quvchi:
Ekskavatorchi, naqqosh,
Qandolatchi, sartarosh,
Muhandisu bastakor,
Chilangaru dirijyor,
Chegarachi, suxandon,
Harbiymi, yoki, bog’bon,
18- o’quvchi
Iqtisodchi, hisobchi,
Aytmaganimni topchi?
Etido’z yoki rassom
Sanasak bo’lmas tamom.
Hammasi juda zarur,
Bari hurmatli erur
Kasb- hunarli har joyda,
Xalqqa keltirar foyda
-
boshlovchi:
-
Prezidentimiz I. A. Karimov ham biz yoshlarga keng imkoniyat eshiklarini ochib berib, turli to’garaklar, tanlovlar tashkil etmoqdalar.
-
boshlovchi:
-
To’g’ri aytasiz dugonajon, bu yilning nomlanishi munosabati bilan ham yoshlarga tadbirkorlik bilan shug’ullanish uchun imtiyozli sharoitlar yaratilib berilmoqda. Biz yoshlar bunday imkoniyatdan unumli foydalanishimiz zarur va shart.
-
boshlovchi:
do’stim endi o’ylab boq,
qay biriga ishtiyoq.
Qalbingda bo’ldi paydo,
Qay biri etdi shaydo?
Xohlaganingni tanla,
Zarurligini angla!
-
boshlovchi:
O’qi, o’rgan, mehnat qil,
harakat qil, mustaqil.
Bu yo’lda senga ta’lim
Berar ustoz, muallim!
-
boshlovchi:
-
shu bilan “Kim bo’lsam ekan?” deb nomlanga bayram tadbirimiz o’z nihoyasiga yetdi. Sizga ozgina bo’lsa ham kasblar haqida ma’lumotlar beraolgan bo’lsak, tashakkurimizni qabul eting!
-
boshlovchi:
