⚡️SAVOL;
Men ikki yil oldin bankdan mikroqarz olganman. Xozirgi kunda olgan kreditimdan 10 million so‘m qarzim qolgan. Men xozir yana boshqa bankdan kredit olishim mumkinmi ?
⚡️JAVOB;
O‘zbekiston Respublikasining 15.09.2006 yildagi O‘RQ-50-son qonuniga ko‘ra, mikroqarz banklar va mikrokredit tashkilotlari tomonidan jismoniy shaxs bo‘lgan qarz oluvchiga 50 million so‘mdan oshmaydigan summada to‘lovlilik, muddatlilik va qaytarish shartlari asosida beriladigan pul mablag‘laridir.
🟢 Yuqoridagi kabi boshqa kredit turlari xam qarz oluvchiga to‘lovlilik, muddatlilik va qaytarish shartlari asosida beriladi. Masalan to‘lovlilik degani siz olayotgan kreditingizni qaytarish uchun sizda yetarli darajada rasmiy daromadingiz bo‘lishi kerak. Rasmiy daromad xam sizni ko‘chada topayotgan pullaringiz emas, bu sizni biror tashkilotda ishlab yoki tadbirkorlik yo‘li bilan topayotgan daromadingizga o‘xshab qaysidir xujjatlarda ko‘rinib turadigan, tasdig‘ini topgan daromad bo‘lishi kerak.
✏️ Xullas siz yana kredit olaman desangiz sizga qonunchilik bo‘yicha biror bir cheklov yo‘q faqat oylik ish haqingiz yetarli darajada bo‘lishi kerak. Masalan 3 million so‘m oylik olsangizu siz uni ikkiyarim million so‘mini oldingi kreditingiz uchun to‘lab kelayotgan bo‘lsangiz va yana kredit olaman deb bankka borsangiz, sog‘ bo‘las aka boshqa safar beramiz sizga kreditni deydi. Sababi daromadingizni oldingi kreditingizdan ortgan qismi ikkinchi olayotgan kreditingiz uchun yetarli darajada emas. Agar siz 10 million so‘m daromad topsangizu oldingi kreditingiz uchun 1 million yoki 3 million to‘lab kelayotgan bo‘lsangiz, bank hodimlari keling aka qancha kredit beraylik sizga deydi. Sababi eski kreditingizdan ortayotgan mablag‘ingiz ikkinchi kreditni xam to‘lashga yetadi.
