16-dekabr Qozog’iston Respublikasining milliy mustaqillik kuni

Qozog’iston prezidenti Nursulton Nazarboyev 1991-yilning 16-dekabr kuni «Qozog’iston Respublikasi davlat mustaqilligi to’g’risida”gi konstitutsiyaviy qonunni imzoladi. Nazarboyevning o’zi o’sha yilning 1-dekabr kuni bo’lib o’tgan birinchi umumxalq saylovlarida prezident lavozimiga saylandi, 10-dekabr kuni esa «Qozog’iston Sovet Sotsialistik Respublikasi nomini o’zgartirish to’g’risida»gi qonunni imzoladi, bu bilan Qozog’iston Respublikasiga hozirgi nomi berilgan.