Germaniyaga safar

DO`STLARGA ULASHING:

GERMАNIYA
Germaniya – rang-barang landshaftga ega Yevropaning yuqori darajada rivojlangan davlati: Аlьp togʼlaridan tortib xushmanzara Shimoliy va Boltiq dengizlari qirgʼoqlarigacha, azim minorayu sirli qasrlardan to qalin oʼrmonlaru shildiroq soylargacha… Mazkur Yevropa davlatida siz oʼzingizni aka-uka Grimm hikoyalarining ertak qahramoni deb tasavvur qilishingiz shubhasiz. Germaniyaning boy tarixiy merosi turli yodgorliklar misolida aniq-ravshan namoyish etilgan. Taxminan XIII asrda bunyod etilgan Mozeldagi Elьts qasri oʼzida qadimiy xazinalar va nodir sanʼat asarlarini jamlagan. Bavariyaning qirollik qasrlari arxitektura goʼzalliklari bilan kishini lol qoldiradi, ulkan qalʼalar esa davlatning boy tarixidan guvohlik berib turganday. Berlindagi Brandenburg darvozalari oldida sayr qilish – har bir sayyohning chinakam orzusi. Brandenburg darvozalari oʼzining bunyod etilish uslubi va maʼno jihatidan noyobdir. Germaniya har bir ovqat shinavandasini tengi yoʼq oshxonasi va anʼanaviy ichimliklari bilan hayratda qoldiradi. Buyuk Betxoven va Gyotelarning vatani hech bir sayyohni befarq qoldirmasligi aniq. Germaniyaga safar – bu jahon avtomobilь gigantlari, mahoratli sanʼatkorlar va chinakam gastronomik bayramlar vataniga sayohat.

Germaniyaga ekskursiya – bu Yevropa tarixini asl manbadan oʼrganish, festivallarning yorqin taassurotlari va goʼzal manzaralardan bahra olish. Bu davlatga eng yaxshisi bahor yoki yoz mavsumida tashrif buyurgan maʼqul, chunki bu paytda barchasi yaxshi hordiq chiqarish uchun zamin yaratadi.