⚡️Суроо;
атам мага өзүнүн эки бөлмөлүү үйүн нотариус аркылуу башка адамга бекер берген. Атам азыр ал адамдан белекке берилген мүлктү кайтарып алабы?
⚡️Жооп;
Жарандык кодекстин 507-беренесине ылайык
🟢 Белекти алуучу тартуучунун, анын үй-бүлө мүчөлөрүнүн же жакын туугандарынын өмүрүнө же ден соолугуна каршы атайылап кылмыш жасаган учурларда, белекти жокко чыгарууга сот тартибинде жол берилет.
🟢 Белекти алуучу белек берүүчүнү атайылап өлтүргөн учурда тартуучунун мураскорлору белекти жокко чыгарууну сот тартибинде талап кылууга укуктуу.
🟢 Эгерде алуучунун тартуулоочу үчүн чоң мүлктүк эмес баалуулукка ээ болгон белекке жасаган мамилеси аны толугу менен жок кылуу коркунучун жаратса, тартуу берүүчү сот тартибинде белекти жокко чыгарууну талап кылууга укуктуу.
❗️ Жогорудагы себептердин биринин негизинде сиздин атаңыз же мураскорлор доо арыз менен кайрылып, белекке жөнөтүлгөн мүлктү кайтарып берүүнү талап кылышы мүмкүн.
✏️ Жөн гана ой-жүгүртүү, мамиленин бузулушу жана башка ойдон чыгарылган себептерден улам кайрымдуулукка берилген мүлктү кайтарып берүү мүмкүн эмес.
