Shvetsiya sayyohlik

DO`STLARGA ULASHING:

ShVETSIYa
Shvetsiya sayyohlik uchun nihoyatda jozibador davlat: bu yerning togʼlari qoʼshni Finlyandiyadagidan koʼra balandroq boʼlib, togʼlarda uchish uchun imkoniyatlar ham kengroq. Bundan tashqari, Shvetsiya noyabrdan aprelgacha boʼlgan muddatga qadar togʼ-changʼi kurortlaridagi qor qoplami, shuningdek, ajoyib tarzda jihozlangan trassalar, mukammal koʼtarilish moslamalari, après-ski ning turli-tumanligi va asosiysi, eng kichik sayyohlar uchun koʼplab xizmat va oʼyin-kulgi maskanlarini kafolatlaydi. Bejizga Shvetsiyani «Bolalar qirolligi» deb atashmaydi.

Shvetsiyadagi Butunjahon merosi roʼyxatiga Drottningxolьm saroyi va Stokgolьmdagi Skugschyurkogorden qabristoni, Luleo shahri yaqinidagi Gammelьstad qishloqchasi, Gotland orolidagi Visbyu shahri va boshqalar kiradi. Shvetsiyaning asosiy shahri Stokgolьm hozirgi kungacha oʼz obidalari va yodgorliklarini toʼla-toʼkis saqlab qolgan: ushbu 14 ta orolda joylashgan poytaxtda muzey va tarixiy arxitektura yodgorliklari mujassam. Shvetsiya aholisining asosiy qoidasi: xoh ishda boʼlsin, xoh dam olishda barcha sohadagi yuqori sifat va maksimal qulaylik. Shuningdek, Shvetsiya oʼzining oddiy va toʼyimli oshxonasi bilan ham mashhur.