“Tez yordam” qancha vaqtda yetib kelishi kerak?

DO`STLARGA ULASHING:

Savol: Chaqiruvdan so‘ng “Tez yordam” mashinasi qancha vaqtda yetib kelishi kerak? Shahar yoki qishloq hududi uchun belgilangan vaqt me’yori bormi? Agar u kechikkan taqdirda kimga murojaat qilish mumkin?

Behzod AHMATOV, Bulung‘ur  tumanidagi 7-maktab o‘qituvchisi

Javob: Tez tibbiy yordam brigadalari shoshilinch chaqiruvlarga (yo‘l harakati, favqulodda hodisalar oqibati natijasida olingan og‘ir tan jarohatlari,  hushdan ketish, turli shok holatlari, o‘tkir zaharlanish va boshqalar) 15 daqiqadan, tezkor chaqiruvlarga (yurak xuruji, astma xuruji, o‘rta va yengil tan jarohatlari, qon ketishi,  tug‘ruq, terining termik kuyishi, sovuq urishi, allergiya, bosh og‘rig‘i, qorin, ko‘krak qafasidagi og‘riqlar, ruhiy holatning o‘tkir buzilishi, buyrak xurujlari, qusish, toshma, yuqori isitma va boshqalar) 30 daqiqadan kechikmasdan yetib borishi lozim.

Ba’zida tez tibbiy yordam avtomashinalari soniga nisbatan chaqiruvlar soni ko‘payib ketganda (bunday holatlar 2–3 foizni tashkil etadi) kechikish holatlari uchrashi mumkin. Bu borada belgilangan tartibda tez tibbiy yordam xizmati ma’muriyatiga yoki  yuqori tashkilotlarga murojaat etish mumkin.

Savolga Sog‘liqni saqlash vazirining birinchi o‘rinbosari B.YUSUFALIYEV javob berdi.

ArabicChinese (Traditional)EnglishFrenchGermanHindiKazakhKyrgyzRussianSpanishTajikTurkishUkrainianUzbek