❗️Қызметкерді іссапарға жіберудің жаңа тәртібі белгіленді
Өзбекстан аумағында іссапарлар туралы ереже Үкімет қаулысымен (№ 424, 02.08.2022 ж.) расталды
🗓 Ережеге сәйкес іссапардың ұзақтығын ұйым басшысы белгілейді. Бұл ретте мерзім жолдағы уақытты есептемегенде 30 күнтізбелік күннен аспауы тиіс.
⏩ Құрастыру, іске қосу, реттеу, құрылыс және іздестіру жұмыстарын орындауға жіберілген қызметкерлердің, басшылардың және мамандардың қызметтік іссапарының ұзақтығы 12 айдан аспауы керек.
📝Ұйымға іссапарға баратын және қайтып келетін адамдарды тіркеу электронды түрде «UzASBO» бағдарламалық кешенінде (немесе бухгалтерлік есептің ақпараттық жүйесінде) арнайы журналдарда жүргізіледі.
⏳ Қызметкер өзі жіберілген ұйымның жұмыс уақыты мен демалыс уақытына бағынады. Іссапар кезінде пайдаланылмаған демалыс күндері іссапардан оралған кезде қалпына келтірілмейді.
💰Егер қызметкер демалыс немесе мереке күндері іссапарға жіберілген жерде жұмыс істеген болса, өтемақы төленеді.
❕ Қызметкер қызметтік міндеттерін орындау үшін демалыс күніне іссапарға жіберілсе, оған сапардан оралғаннан кейін тағы бір демалыс күні беріледі.
📌 Табиғи-климаттық және шаруашылық-тұрмыстық жағдайы қиын аймақтарға жіберілген қызметкерлерге сол аймақ үшін қосымша жәрдемақы төленеді.
➡️ Қызметкерге тұру шығындары (қонақ үй немесе пәтер жалдау), іссапарға және тұрақты жұмыс орнына қайтаруға жол жүру шығындары, сондай-ақ күнделікті шығындары өтеледі.
✅ Қонақүйдің бір күндік шығындарын өтеу сомасы тиісінше БХМ 1,5 еседен 3 есеге дейін аспауы керек.
🔘 Тұрғылықты жері бойынша тұру шығындарын растайтын құжаттары болмаған жағдайда әрбір күн үшін БХМ-нің 20 пайызы өтеледі.
📲 Шешім бойынша іссапарлар шығындарын есепке алуға арналған бағдарламалық қамтамасыз ету және оның мобильді қосымшасы әзірленетін болады.
