Bachadon bo‘yni eroziyasi

DO`STLARGA ULASHING:

Bachadon bo‘yni eroziya haqida to‘liq ma’lumot bering, uning salbiy oqibatlari haqida ?

 

Bachadon bo‘yni shilliq qavatining yuza qismi shikastlanishi oqibatida eroziya vujudga keladi.
Eroziya kelib chiqishiga sabab sifatida quyidagi holatlar, omillar ko’rsatiladi:

• Jinsiy infeksiyalar;
• Gormonal balansning buzilgani;
• Tug‘ishdan so‘ng a’zoning yirtilishi;
• Jinsiy a’zolarning shikastlangani;
• Jinsiy hayot juda erta boshlash.

Eroziyalar tug‘ma, chin va soxta bo‘lishi mumkin. Tug‘ma eroziya yangi tug‘ilgan chaqaloqlarda to balog‘at yoshiga yetguncha kuzatiladi. Tug‘ma eroziyaga ona qornida rivojlanayotgan homilaning jinsiy a’zolari yetilayotgan paytida ayoldagi gormonal o‘zgarishlar sabab bo‘ladi. Tug‘ma eroziyaning o‘z-o‘zidan yo‘qolib ketish ehtimolligi yuqori. Shuning uchun holatdan kelib chiqib, vaqtinchalik davo qo‘llanilmaydi.
Balog‘at yoshiga yetgach ayolda chin eroziya rivojlanishiga sabablar yuzaga kela boshlaydi, bular:

• abortlar;
• tug‘ruqdan keyingi jarohatlar;
• jinsiy a’zolardagi turli yallig‘lanishlar;
• jinsiy yo‘l bilan yuquvchi kasalliklar;
• gormonal muvozanatlarning buzilishi;
• immunitetning pasayishi;
• tug‘ruqdan keyingi shikastlar va hokazolar…

Chin eroziya vaqt o‘tishi bilan davolanmasa, soxta eroziyaga aylanadi. Ba’zi ayollarda kasallik hech bir belgilarsiz kechishi mumkin.
Kasallikni davolashda quyidagi usullardan foydalaniladi yoki boshqa mualliflik usullar ham mavjud:

• azot bilan kuydirish, radioto’lqinlik ta’sir;
• bachadon bo‘yni eroziyaga uchragan qismi jarrohlik yo‘li bilan olib tashlanadi.
• elektr kuydirish;
• lazerli kuydirish.

Davolatmaslik kasallikning boshqa jiddiy kasalliklar yuzaga kelishiga sabab bo‘ladi. Masalan, bachadon bo‘yni saratoni, bepushtlik kabi jiddiy oqibatlarga ham olib kelishi mumkin.