DO`STLARGA ULASHING:
BUVIJONIM
🕸🕸🕸🕸🕸🕸🕸🕸
Dadajonim onasi,
Siz-la yorug’ xonamiz.
Onamdan ham ko’proq,
Erkalaysiz doim siz.
Bizni mudom sevasiz,
Mehribonsiz buvi siz.
🕸🕸🕸🕸🕸🕸🕸🕸
Uyimizning ustuni,
Rizq-nasiba butuni.
Xo’p sog’inib qolamiz,
Ko’rmay qolsak bir kuni.
Bizni mudom sevasiz,
Mehribonsiz buvi siz.
🕸🕸🕸🕸🕸🕸🕸🕸
Buvijonim o’zingiz,
Qanddan shirin so’zingiz.
Qo’lingizni uzating,
Bo’lay yo’lda ko’zingiz.
Bizni mudom sevasiz,
Mehribonsiz buvi siz.
🕸🕸🕸🕸🕸🕸🕸🕸
Aytdingiz ko’plab ertak,
Tingladik, qilmay ermak.
Tinmay duo qildingiz,
Sizniki deb, kelajak.
Bizni mudom sevasiz,
Mehribonsiz buvi siz.
🕸🕸🕸🕸🕸🕸🕸🕸
Doim bo’ling sog’-omon,
Baxtimizga buvijon.
Siz keksalar duoda,
Yurtimiz tinch, farovon.
Yurtni mudom sevasiz,
Duodasiz buvi siz.
🕸🕸🕸🕸🕸🕸🕸🕸
RO’ZIMUROD BOLQIYEV
Mirzacho’l tumani