DO`STLARGA ULASHING:
Inson manaviyati gozal fazilatlar manbai
Insonni ulugʻ qiladigan, jamiyatda hurmat va eʼzozga sazovor qiladigan eng asosiy omillardan biri – bu uning maʼnaviyati va ichki dunyosidir. Maʼnaviyat insonning ruhiy kamoloti, axloqiy fazilatlari va intellektual salohiyati bilan chambarchas bogʻliq tushunchadir. Goʻzal fazilatlar esa inson maʼnaviyatining yorqin ifodasi bo‘lib, jamiyat taraqqiyoti va insonlar o‘rtasidagi munosabatlarning uyg‘un rivojlanishida katta ahamiyat kasb etadi.
Maʼnaviyat insonning axloqiy mezonlari bilan bogʻliq boʻlib, unga mehr-oqibat, halollik, adolat, sabr-toqat va fidoyilik kabi oliy qadriyatlarni singdiradi. Bu fazilatlar inson qalbida chuqur ildiz otganida, u faqat o‘z hayoti uchun emas, balki atrofidagilar, butun jamiyat uchun ham foydali bo‘lishga intiladi. Maʼnaviyati yuksak inson har qanday vaziyatda o‘zini odob-axloq qoidalariga muvofiq tutadi, boshqalarga yaxshilik qilishni o‘zining asosiy burchi deb biladi.
Ota-bobolarimiz hamisha maʼnaviy poklikka katta eʼtibor berib kelganlar. Ularning donishmandliklarida insonni komil qilib tarbiyalashga qaratilgan koʻplab hikmatli gaplar bor. Masalan, “Odamiylik – eng katta boylik” degan naql bejiz aytilmagan. Chunki inson qanchalik bilimli yoki boy bo‘lmasin, agar unda maʼnaviy poklik bo‘lmasa, u jamiyat oldida qadrli bo‘lolmaydi.
Bugungi kunda texnologiya va globallashuv jarayonlari kuchayib borayotgan bir davrda, insonning maʼnaviy kamoloti yana-da muhim ahamiyat kasb etmoqda. Chunki moddiy boylik ortidan quvib, maʼnaviyatni unutish insoniyatni halokat sari yetaklashi mumkin. Shuning uchun har bir inson o‘zida va avlodlarida goʻzal fazilatlarni shakllantirishga intilishi lozim.