Бөйрөктө таш пайда болуу коркунучун жогорулаткан эң кеңири таралган факторлор:
• семирүү;
• Кант диабети;
• тукум куума жөндөмдүүлүк;
• заара чыгаруу жолдорунун инфекциялары;
• ашыкча заара кислотасы;
• калкан безинин оорулары;
• суюктуктун жетишсиздиги.
Бирок көптөгөн оорулар сыяктуу эле бөйрөктөгү таштар да адамдын эмне жеп-ичкенине жараша болот.
Кайсы тамак көйгөй жаратат? Тузду, этти, сахарозаны жана фруктозаны, ошондой эле С жана Д витаминдерин көп колдонуу (чоң дозада) - бөйрөктөгү таштын пайда болушунун негизги факторлору болуп саналат.
Аш тузду ашыкча колдонуу таштардын пайда болушун кескин жогорулатат, организмде суюктукту кармап турат, зааранын нормалдуу бөлүнүп чыгышынын бузулушуна жана туздардын чөгүшүнө алып келет. Ошондой эле, тамак-ашта натрий канчалык көп болсо, организмден кальций ошончолук көп бөлүнүп чыгат. 6 грамм туз 24-40 мг кальцийди бөлүп чыгарат. Күн сайын 1 грамм гана ашыкча туз керектелсе, сөөк массасынын кошумча 1% жоготуусуна алып келет.
Алкоголдук жана газдалган суусундуктарда фосфор кислотасы көп болот. Бул зат заара чыгаруучу органдарда ар кандай өзгөрүүлөрдү жаратып, бөйрөктүн өнөкөт ооруларынын пайда болушуна жана таштардын пайда болушуна шарт түзөт.
Ошондой эле жашылча менен этият болушуңуз керек. Ден соолукка пайдалуу тамак-аштар дайыма ашыкча керектелсе зыяндуу болушу мүмкүн. Шпинат, хрен, кинза жана петрушка сыяктуу жашылдарга өзгөчө көңүл буруу керек. Бул азыктардын курамында кычкыл кислотасы бар, ал организмдеги туздардын нормалдуу чыгышына тоскоол болуп, бөйрөктө жана табарсыкта таштын пайда болушуна өбөлгө түзөт.
Эттин көбү да коркунучтуу. Этти суткасына керектен ашык жегенде заарадагы заара кислотасынын жана кальцийдин көлөмү көбөйөт. Алардын денеден чыгуусу өтө кыйын жана көп учурда бөйрөктө таш пайда болот.
Бал да норма / аз таттуу! Ар нерсенин нормасы болуш керек!
