NАFАS QISIShINI DАVOLАSh

DO`STLARGA ULASHING:

Nafas qisishini keltirib chiqaruvchi bir qancha omillar mavjud. Masalan, fiziologik (tabiiy) nafas qisishi zinapoyadan tez tushib-chiqqanda yoki avtobusning orqasidan yugurganda yuzaga keladi. Mushaklarning tezda qisqarib boʼshashi qondagi kislorod miqdoriga boʼlgan talabini bir necha marotabagacha oshirib yuboradi. Bosh miya esa kislorod yetishmovchiligini reflektor yoʼl bilan tez nafas olish orqali qoplashga harakat qiladi. Fiziologik nafas qisishi yigirma daqiqadan soʼng oʼtib ketsa, organizm uchun hech bir xavf tugʼdirmaydi. Аmmo ikkinchi qavatga yurib chiqqaningizdan soʼng ham uzoq vaqt nafasingiz qisa boshlasa, demak tanangizning jismoniy holati havas qilgudek emas. Tana holati jismonan meyorda boʼlganida nafas qisishi kam vaqtlarda kuzatiladi va yaqqol namoyon boʼlmaydi.

Nafas qisishiga patalogik omillar ham sabab boʼlishi mumkin. Masalan, yurak-qon tomir yetishmovchiligi, oʼpka kasalliklari, kamqonlik, semizlik, bronxial astma va boshqa turli kasalliklar sabab boʼlishi mumkin.

Keskin paydo boʼlib, boʼgʼilishga aylanib ketadigan nafas qisishi yurak astmasi uchun xos belgi. Odatda bunday xuruj kechasi bezovta qiladi, bemorning rangi oqaradi, badanini muzdek ter bosadi, qon bosimi tushib ketadi, bezovtalanadi, nam xirillashlar paydo boʼladi.

Diqqat! Kutilmaganda kuchayib boruvchi nafas qisishi roʼy bersa darhol tez tibbiy yordamni chaqirish zarur. Chunki bu hol organizmdagi aʼzolar ishining jiddiy buzilishidan darakdir.

Nafas qisishlarini tabiiy usulda bartaraf qilish uchun tabiiy retseptlar
Nafas qisishidan xalos boʼlishni istasangiz, yuz grammdan isiriq va zigʼirni yarim kilo asalga aralashtirib, undan bir choy qoshiqda kuniga uch mahaldan isteʼmol qilib turing.
Har kuni 8-10 donadan chilonjiyda mevasi yeb yurilsa, nafas qisishi daf boʼladi.
Kuniga 8-9 gr. rayhon suvini asal bilan qoʼshib ichgan odam nafas tangligidan xalos boʼladi.
Bir grammdan moʼmiyo, asal va aloedan tayyorlangan aralashma har kuni nahorga isteʼmol qilinsa, nafas qisishiga davo boʼladi.
10 gr. sariq bedani suvda qaynatib, suvi asal bilan isteʼmol qilinsa, nafas tangligiga davodir.
Аrcha mevasidan 30 gr. yanchib va elakdan oʼtkazib, 15 gr. mol yogʼi qoʼshib eziladi va koʼpigi olingan asal bilan xamir qilib bir hafta yalab yurilsa, balgʼamdan hosil boʼlgan nafas qisishiga davo boʼladi.
2 gr. gorchitsa urugʼini ezib, asal bilan isteʼmol qilinsa, nafas tangligidan xalos boʼlasiz.
Bugʼdoy kepagi qaynatilgan suvga shakar, asal, shirin bodom yogʼi qoʼshib isteʼmol qilinsa, nafas tangligiga davodir.