Tishlarni oqartirish

DO`STLARGA ULASHING:

Tishlarni oqartirish va mustahkamlash uchun quyidagi amaliyotni takrorlab turish Sharq tabobatida tavsiya etiladi. Quruq tish choʼtkasini quyuq smetana yoki yogurtga botirib, tishni tozalanadi. Soʼng 5 daqiqa oʼtgach, ogʼiz chayiladi. Bu amaliyotni haftada bir marta, kun davomida 3-5 marta takrorlanadi.

Zamonaviyroq usuli sifatida esa smetana yoki yogurt oʼrniga quruq sut ishlatish ham mumkin. Sut va sut mahsulotlaridagi yuqori darajali kalьtsiy va sut kislotasi tishning emalini mustahkamlaydi va oqartiradi.

Yana bir usul — bu 8-10 kunda 1 marta tuz va osh sodasi aralashmasi (birga-bir nisbatda) bilan tozalash yaxshi foyda berishi mumkin. Faqat osh sodasiga ehtiyot boʼling, haddan ziyod fodalanish tish emaliga zarar.

Bundan tashqari, hozir sotuvda turli maxsus oqartiruvchi tish pastalari mavjud. Ularni shaxsiy gigiena vositalari doʼkonlaridan yoki dorixonalardan topishingiz va orasidan oʼzingizga mos kelganini tanlab, qutisida koʼrsatilgan qoʼllanma boʼyicha muntazam foydalanishingiz mumkin.

Аgar sizning old tishlaringiz orasida sunʼiy tish (koronka) boʼlsa, oqartirishni tavsiya etmaymiz. Bunday holda sunʼiy tish boshqalaridan yaqqol ajralib qoladi.

Baʼzi manbalarda tishlarni perekisь vodorod yordamida oqartirish xaqida tavsiyalar berilgan. Lekin buni maslahat bermaymiz, chunki bu ximik modda, oʼz tajribasida sinab koʼrgan odamlarning fikricha, tish emaliga va milklarga zarar yetkazishi ehtimoli bor.

ArabicChinese (Traditional)EnglishFrenchGermanHindiKazakhKyrgyzRussianSpanishTajikTurkishUkrainianUzbek