ТЕРИ ШЎРЛАНИШИ

Табобат муолажаларидан:

• Қораандиз илдизи, сумбул, долчин, наъматак, газанда, мускат ёнғоғи баргидан бир хил миқдорда олиб аралаштирилади ва майдаланади. Ҳар куни овқатдан бир соат олдин бир кичик ош қошиқда уч маҳал ичилади.

• Рўян, қораандиз илдизи, барги, зулф уруғи, бобочи, бобуна уруғи – ҳаммасидан бир пиёладан олиб, беш литр узум (ёки олма ёки олча) сиркасига солиб, 40 кун қоронғи жойда сақлаб, кейин қуруқлашиб шўрлаган жойга ҳар куни бир маҳал то яхши бўлгунча суртилади.

• 200 г катта қончўпнинг қуруқ ўтидан олиб, устига икки литр қайноқ сув қуйилади, совигунча қўйиб қўйилади, сўнгра ванна қилинади.

• Теридаги шўралашни рўян ўтидан тайёрланган дамлама кетказади.

• Ёғли терига помидордан тайёрланган ниқоб тавсия этилади.

• А витамини етишмаслиги оқибатида ҳам тери шўралаши мумкин. Шунинг учун таркибида А витамини бўлган таомлар ва сабзавот маҳсулотларини кўпроқ истеъмол этиш тавсия этилади: сабзи, помидор, кўк нўхат, қовун, апельсин ва бошқалар шулар жумласидан.

• Жағ-жағга сирка аралаштириб, пўст ташлашда оғриган жойга ўн кун уч маҳал суртилса, тузатади.

• Анжирнинг қуруқ баргидан 15-20 г олинади, чойнакка майдалаб солиб, устига қайнаб турган сув қуйиб, ярим соат дамлаб қўйилади. Сўнгра шу дамламани докадан сузиб, унга матони шимдириб оғриган терига суртилса, 2-3 кундан сўнг тери шўралаши тузалади.

• Исириқ қайнатмасига мато ёки докани шимдириб, оғриган жойга боғланса, фойда қилади.

• Андиз илдизи ва илдизпояси қайнатмасига матони шимдириб, кунига 2-3 маҳал суртиб боғлаш керак, бу терининг шўралашига даво бўлади.

• Лимон теридаги майда тешикчаларни торайтиради. Шарбати кучли таъсир воситаси бўлгани боис уни юмшатиш мақсадида бошқа мева шарбатларига қўшиш мақсадга мувофиқдир.

• Кунига икки маҳал солидолни қалин қилиб суртилса, фойда қилади.