Блог

DO`STLARGA ULASHING:

1894-yil 22-iyul kuni tonggi soat 8 da Parij shahrida tarixdagi ilk avtomobillar poygasi boshlangan. Musobaqa tashabbuskori «La Petite Journal” gazetasi muharriri Per Jiffar bo‘lgan. Avtomobil poygasi yangi transport turi imkoniyatlarini ko‘rsatib bera olishi kerak edi. Poyga qatnashchilari o‘z mashinalarida Parij-Ruan yo‘nalishida 12 soat ichida bosib o‘tishi kerak bo‘lgan. Musobaqadagi har bir mashina o‘zining turli xil shakli va konstruksiyasi bilan o‘zgacha taassurot qoldirgan. Poygada qatnashgan 39 ta ichki yonuvchi dvigatelli avtomobil ketidan «bug‘ dvigatel”da yuruvchi 28 ta avtomobil yo‘lga tushgan. Shuningdek, beshtadan elektro va pnevmoavtomobil ham qatnashgan bo‘lib, 25 ta qurilma «Qolgan qurilmalar” nominatsiyasiga sazovor bo‘lgan. Saralash «qatnov”idan so‘ng startga 28 ta avtomobil kirib kelgan – ulardan 14 tasi benzinda, 7 tasi bug‘da yuradigan avtomobil bo‘lgan. Yarim daqiqalik tanaffusdan so‘ng mashinalar poytaxtdan chiqib ketishar ekan, 126 km shimoliy-g‘arbga Ruanga yo‘l olishgan. Finishgacha bor-yo‘g‘i 17 mashina yetib kelgan. Eng katta tezlikka (soatiga 22 km tezlikda) yigirmanchi raqamdagi bug‘mobil egasi markiza Albera De Diona erishgan. Biroq jyuri tomonidan sovrin ikkita benzinda yuruvchi Peugeot hamda Panhard-Levassor markalaridagi mashinalar orasida bo‘lib berilgan. Ular foydalanish uchun eng ishonchli marka deb topilgan.