Akamning sobiq rafiqasi onamning uyiga da`vo qila oladimi?

DO`STLARGA ULASHING:

— Rahmatli ota-onamning uyi onamning nomida qolgan, unda hech kim ro`yxatda turmaydi. Besh farzand edik, shundan akam va men hayotmiz. Uyni akam­ning nomiga o`tkazmoqchi bo`lsak, ruhiy ahvoli yaxshi bo`lmagani uchun tegishli tashkilotdan qaytarishdi. Shu bois uyni no­mimga o`tkazmoqchi edim. Biroq olamdan o`tgan katta akamning qonuniy ajrashgan rafiqasi va ularning farzandlari uyga da`vo qilib, sud­ga berishibdi. Bunga ular haqlimi? Vaholanki, rahmatli akamning qonuniy ikkinchi oilasi bor.

N.Sultonboeva, Toshkent shahri Olmazor tumani

Savolga Sherzod RAJABOV, Fuqarolik ishlari bo`yicha Toshkent shahar Mirzo Ulug`bek tumanlararo sudi raisi javob berdi:

— Bunda akangizni ota-onangizdan oldin yoki keyinva­fot etganligini aniqlash merosxo`r bo`lish tartibini belgilashda muhim o`rin tuta­di. Fuqarolik kodeksining 1140-moddasiga ko`ra, taqdim qilish huquqi bo`yicha vorislik qonun bo`yicha merosxo`r meros ochilgunga qadar vafot etgan taqdirda, unga tegishli ulush uning avlodlariga o`tishini na­zarda tutadi. Bunda ulush taqdim qilinayotgan qonun bo`yicha merosxo`r bilan bir xil darajada qarindosh bo`lgan avlodlar o`rtasida teng taqsimlanadi. Fuqarolik kodeksining 11401-moddasiga ko`ra, agar vasiyatnoma bo`yicha yoki qonun bo`yicha vorislikka chaqirilgan merosxo`r meros ochilganidan keyin uni qabul qilib olishga ulgurmasdan vafot etgan bo`lsa, unga tegishi kerak bo`lgan merosni qabul qilib olish huquqi uning qonun bo`yicha merosxo`rlariga, agar barcha meros mol-mulk vasiyat qilingan bo`lsa, uning vasiyat bo`yicha merosxo`rlariga o`tadi.

Har ikki holatda ham vafot etgan shaxsning marhum ota-onasidan qolgan mol-mulkiga uning sobiq turmush o`rtog`i (eri yoki xotini) merosxo`r bo`la olmaydi. Biroq farzandlar qaysi turmush­dan tug`ilganidan qati nazar o`z otalariga tegish­li bo`lgan ulushga nisbatan boshqa merosxo`rlar kabi teng ulushlarda meros olishga haqli bo`ladi.
Manba: Darakchi.uz