Mehnat daftarchasi qanday holatlarda yaroqsiz deb topiladi?

DO`STLARGA ULASHING:

Mehnat daftarchalarini yuritish tartibi toʼgʼrisidagi yoʼriqnomaning 4,1-bandiga muvofiq, mehnat daftarchasi yirtilgan, yongan, yozuvlari boʼyalgan hollarda foydalanish uchun yaroqsiz boʼlib qolgan hisoblanadi.
5) Men ishga qabul qilingan paytimda ish beruvchim bilan oʼrtamizda 1 yil muddatli mehnat shartnomasi tuzilgandi. Koʼrsatilgan muddatdan 6 oy oʼtib ketgan boʼlishiga qaramay, men bilan tuzilgan mehnat shartnomasi bekor qilinmadi. Ushbu holatda shartnomada koʼrsatilgan muddat buzilgan hisoblanmaydimi?
Oʼzbekiston Respublikasi Mehnat kodeksining 105-moddasiga muvofiq, muddatli mehnat shartnomasi muddati tugashi bilan bekor qilinadi. Аgar muddat tugagandan keyin ham mehnatga oid munosabatlar davom etaversa va taraflardan birortasi bir hafta davomida uning bekor qilinishini talab qilmagan boʼlsa, shartnoma nomuayyan muddatga uzaytirilgan hisoblanadi.
6) Men xotinimning nomiga rasmiylashtirilgan avtomashinani ishonchnomasiz boshqara olamanmi? Hozirgi kunga qadar boshqarib kelayotgan edim, YPX xodimlariga nikohdan oʼtganligim haqidagi guvohnomani koʼrsatardim. Biroq ke­yingi paytlarda ayrim YPX xodimlari ishonchnoma olmasangiz boʼlmaydi, deyishmoqda.
Аgarda transport vositasi birgalikdagi turmush davrida xarid qilingan boʼlsa, turmush oʼrtogʼingiz nomidagi transport vositasini ishonchnomasiz boshqara olasiz. Buning uchun yoningizda nikoh tuzilganligi toʼgʼrisidagi guvohnomaning aslini yoki nusxasini olib yurishingiz tavsiya etiladi. Shuning­dek, transport vositasi egasining fuqarolik javobgarligini majburiy sugʼurta qilish boʼyicha sugʼurta polisida er va xotinning familiya­si aks etgan boʼlishi kerak.
ArabicChinese (Traditional)EnglishFrenchGermanHindiKazakhKyrgyzRussianSpanishTajikTurkishUkrainianUzbek