Anvar Sobirov haqida, oilasi, instagram, rasmlari

DO`STLARGA ULASHING:

Anvar Sobirov 1976-yil 24-iyulda Xorazmda, san’atkorlar oilasida tavallud topdi. U yoshligidan san’atga qiziqqanidanmi yoki san’atkorlar oilasida tavallud topganigami bolaligidan Komiljon Otaniyozov nomidagi 1-son bolalar musiqa maktabining doira bo’limida tahsil oladi. Maktabda o’tkaziladigan tadbirlarning barchasida Anvar doira chalish bilan bir vaqtning o’zida qo’shiq ham kuylardi, hamda maktab, tuman miqyosida o’tkaziladigan tadbir va ko’rik tanlovlarda fahrli o’rinlar sohibi bo’lardi. Bu yo’nalishda u 1999-yilgacha faoliyat olib bordi desak adashmaymiz. Maktabni tamomlagandan so’ng M.Xarratov nomidagi Urganch musiqa bilim yurtining an’anaviy ijro bo’limida tahsil oldi. 2007-yildan to 2011-yilga qadar esa xonanda A.Qodiriy nomidagi Toshkent Davlat Madaniyat institutining ijtimoiy madaniy faoliyat fakultetida o’qidi. Talabalik vaqtidan boshlab Anvar Sobirov hamnafas doirachi bo’lib, katta-katta xofizlar bilan qo’shiq kuylab yurgan. Estrada yo’nalishida esa 2002-yilda «Voha-voha» qo’shig’ini ijro etdi, hamda bu qo’shiq xit taronalar qatoridan joy oldi. Keyingi xit taronalar esa bu «Rotalla», «Seni sevdim», «Xayr», «Muhabbat» qo’shiqlari bo’lgan. Xozirgi kungacha xonanda 75ga yaqin qo’shiqlarini, 30dan oshiq kliplarini va «Sog’inch», «Kechalar», «Seni sevdim», «Muhabbatimsan», «Jiyda guli» qo’shiqlar to’plamiga albomlarini o’z muhlislariga havola etdi. Ilk konsertini u 2005-yil 16-17 dekabr kunlari «Istiqlol» saroyida «Orzular og’ushida» nomli konsert dasturi bilan va 2011-yil 3-7 iyun kunlari «Istiqlol» saroyida «Ko’zimga tp’tiyo Vatan tuprog’i» nomli konsert dasturlarini o’z muhlislariga tuhfa qilgan. Anvar Sobirov nafaqat qo’shiq kuylaydi, balki u bir qator milliy filmlarda ham suratga tushgan. 2005-yilda rejissyor Ibrohim Rasulovning «Begona bahor», rejissyor Tojivoy Isroilovning «Qaerdasan Oymomo», rejissyor Dilmurod Mirxidoyevning «Qish ertagi», rejissyor Ibrohim Rasulovning «Jiyda guli» kartinalarida bosh rol ijrochisi bo’lgan, hamda ijro etgan rollarini juda ham a’lo darajada deb baholashgan.