Chaqaloqlarda kindik chiqishi nimadan?

DO`STLARGA ULASHING:

Chaqaloqlarda kindik chiqishi nimadan?

 

Kindik churrasi
Chaqaloqlarda kindik xalqasi torayishga «shoshmasa», churraga yo‘l ochiladi. Gap shundaki, go‘dak kindigi tushgach, bo‘sh soha paydo bo‘ladi. Bola qorin mushagi qattiq taranglashganda qorin bo‘shlig’i ichidagi bosim ortadi. Natijada ichakning bir bo‘lagi shu bo‘sh sohaga tushib, kindikda xalta hosil qiladi.

Sababi

Ba’zi bolalarda kindik halqasining biriktiruvchi to‘qimasi nasliy sust bo‘ladi yoki u sekin torayadi. Aslida kindik halqasi 5 yoshgacha torayishi lozim. Shuningdek, chaqaloq haddan tashqari semiz bo‘lsa, ko‘p va kuchanib yig’lasa, jismonan zo‘riqsa, masalan, ichi qotganda kuchansa yoxud qattiq yo‘talsa, kindik churrasi xavfi tug’iladi. Bunday bo‘lmasligi uchun chaqaloqni vaqti-vaqti bilan qorinda yotqazib turish, uqalash, vaznini me’yordan oshirmaslik zarur.
Ehtiyot bo‘ling!
Agar bola behalovat bo‘lib, qattiq og’riqdan chinqirsa, churra sohasidagi mushaklar taranglashib, churra joyiga qaytmasa, vaqtni ketkazmang, bemorga shoshilinch yordam zarur. Bunday xurujdan so‘ng og’riq bosilib, bola tinchlanishi mumkin, ammo u holsiz bo‘lib, tobi qochayotganini sezasiz. Bu vaziyatda shifokori ko‘rsatmasisiz ish bitmaydi.

Davosi

Odatda churra siqilmagan bo‘lsa, uni jarrohlik amaliyotisiz davolash mumkin. Bunda davolovchi gimnastik va uqalash muolajalari yaxshi foyda beradi. Bu choralar samara bermasa, jarrohlik yordamida davolaniladi.
Qizlar uchun kindik halqasi kengligini jarrohlik yo‘li bilan davolagan ma’qul. Negaki kelajakda kindik halqasi homiladorlik davri va tug’uruq paytida yanada kengayishi tufayli churra hosil bo‘lishi mumkin.

1 комментарий к “Chaqaloqlarda kindik chiqishi nimadan?”

  1. Пингбэк: dumps in

Комментарии закрыты.

ArabicChinese (Traditional)EnglishFrenchGermanHindiKazakhKyrgyzRussianSpanishTajikTurkishUkrainianUzbek