Блог

DO`STLARGA ULASHING:

Aziz saytimiz muxlislari bu gal sizlarni  o’sha mashxur «Kelinlar qo’zg’oloni» filmi orqali ko’pchiligimiz tanigan, aktrisa Naima Po’latova haqidagi qisqacha ma’lumotlar bilan tanishtirib o’tamiz.

Aktrisa Naima Po’latova 1939 yil 6 aprel kuni Toshkent shahrida tavallud topgan.

Bu aktrisa hozirgi O’zbekiston davlat san’at va madaniyat oliygohida tahsil olgan.

U o’z faoliyatini 1958 yilda Muqumiy nomidagi O’zbek davlat musiqiy teatrda boshlagan.

Ko’pchiligimiz bu aktrisani o’sha barchamiz bilgan Kelinlar qo’zg’oloni filmidagi kichik epizodik obraza orqali taniymiz.

Naima Po’latova bu filmdan tashqari yana faoliyati davomida o’nga yaqin film va yigirmadan oshiq spektakllarda ishtirok etgan.

Naima Po’latova faoliyati davomida nafaqat aktrisa balki xonanda sifatida ham bir necha qo’shiqlar ijro etgan.

U san’at sohasidagi xizmatlari uchun 1997 yilda O’zbekiston xalq artisti unvoni bilan taqdirlangan.

Bu aktrisa haqida yana bir ma’lumot: Naima Po’latova xalqimizga yaxshi tanish marhum san’atkor Surat Po’latovning turmush o’rtog’i hisoblanadi.

Bugungi kunda 79 yoshdagi bu aktrisa o’z faoliyatini Muqumiy nomidagi teatrda davom ettirib kelmoqda.

Naima Po’latovaga uzoq umr va mustahkam sog’liq tilab qolamiz.