Soib Xo’jayev Biografiyasi

DO`STLARGA ULASHING:

Soib Xo’jayevni to’liq ismi Sohibjon Xo’jayev. U 1910 yil 5 dekabr sanasida Andijon viloyatining Xonobod qishlog’ida tug’ilgan.

U 11 yoshida otasidan ayrilgan va akasi Xo’janazarning qo’lida katta bo’lgan.

Aktyor yoshligidanoq san’atga qiziqqan va 1927 yildan boshlab Qo’qon shahridagi teatrda ishlay boshlagan.O’zining ilk rolini u aynan ushbu teatrda ijro etgan.

 1928 yildan 1939 yilgacha Soib Xo’jayev Andijon musiqali drama teatrda ishlagan.

1939 yildan esa Toshkentdagi Muqimiy nomidagi  musiqali drama va komediya teatrida o’z faoliyatini davom ettirgan.

 

Ushbu teatrda ishlash davomida u yuzdan oshiq  spektakllarda qatnashgan bo’lib, birgina «Toshbolta oshiq» spektaklidagi «Toshbolta» rolini faoliyati davomida 700 martadan oshiq ijro etgan.

Bundan tashqari Soib Xo’jayev o’nlab filmlarda ham ajoyib obazlar yaratgan.Ular orasida «Yor yor»,»Maftuningman»,»Chinor ostidagi duel» hamda «Ettinchi jin» kabi filmlaridagi rollari bilan ko’pchilikni yodida qolgan.

Soib Xo’jayev kino va teatrdan tashqari yana  «Ekran handasi» va «Tabassum» kabi bir nechta radioeshittirishlarda ham muntazam qatnashgan.

 

 

Soib Xo’jayev o’zining ko’p yillik faoliyati orqali 1939 yilda «O’zbekiston xalq artisti»unvoni hamda o’limidan keyin 2003 yilda «Buyuk xizmatlari uchun» ordeni bilan mukofotlangan.

 

Aktyorning shaxsiy hayoti haqida: Soib Xo’jayev  Fayzixon ismli ayol bilan oila qurgan.Ular 40 yillik turmushlari davomida 12 nafar farzand ko’rishgan ulardan faqat to’qqiz nafari yashab qolgan.Hozirgi kunga kelib esa aktyorning besh farzandi hayot. 

 

Soib Xo’jayev 1982 yil 72 yoshida Toshkent shahrida olamdan o’tgan. Aktyorni  Chig’atoy qabistoniga dafn qilingan.