DO`STLARGA ULASHING:
“Pedagog” so‘zining asl ma’nosi
“Pedagog” so‘zi qadimgi Yunon tilidan kelib chiqqan bo‘lib, so‘zma-so‘z tarjimada “bola yetaklovchi” degan ma’noni anglatadi. Qiziq tomoni shundaki, dastlab bu so‘z o‘qituvchilarga emas, balki bolalarni maktabga olib boradigan va uyga qaytarib keladigan qullarga nisbatan ishlatilgan.
Bunday qullar ko‘pincha boshqa ishlarga yaroqsiz, ammo uyga sadoqatli bo‘lgan kishilar bo‘lgan. Vaqt o‘tishi bilan esa bu so‘zning mazmuni kengayib, bolaga bilim beruvchi va tarbiyalovchi shaxs — o‘qituvchi ma’nosini ola boshlagan.
Bugungi kunda esa “pedagog” so‘zi nafaqat bilim beruvchi, balki yo‘l ko‘rsatuvchi va hayotda yo‘ldosh bo‘luvchi inson sifatida qadrlanadi.
