PubG (PlayerUnknown’s Battlegrounds) hozirda eng ommalashayotgan video-o‘yinlardan hisoblanadi. U haqda qo‘shimcha ma’lumotga ega bo‘lish zarar qilmaydi, bizningcha. Ayniqsa, bu ma’lumotlar qiziqarli bo‘lsa.
Dasturchi: PubG korporatsiyasi.
Ishlab chiqaruvchi: PubG korporatsiyasi (kompyuter va PS4)
Dizayner: Brendan Grin
Mos keluvchi platformalar: Windows, iOS, Android, Xbox One, PlayStation 4
Chiqarilgan yili: Windows (2017-yil 20-dekabr); Android, iOS (2018-yil 19-mart) Xbox One (2018-yil 4-sentyabr); PS4 (2018-yil 7-dekabr)
Mukofotlar: Yilning eng yaxshi kompyuter o‘yini, Yilning eng yaxshi ko‘p o‘yinchili o‘yini, Yilning eng trendda bo‘lgan o‘yni, Eng yaxshi ekshn o‘yini
Daromadi: 1 milliard dollar
Talaffuzi: /pabji/
2017-yilda chiqarilganidan buyon dunyo bo‘ylab PubG’ning geymerlari keskin ko‘payib bormoqda. Ayniqsa, o‘tgan yili Android va iOS talqini chiqarilishi bilan o‘yinning muxlislari soni keskin ortib ketdi. Biroq o‘yin bunchalar mashhur bo‘lishiga qaramay, o‘yinchilar bilmagan ko‘plab qiziq ma’lumotlar bor.Hammamiz PubG o‘yini haqida eshitganmiz, ammo uni kim yaratgani ko‘pchilikka noma’lum. O‘yin yaratuvchisi va g‘oya muallifi irandiyalik Brendan Grin hisoblanadi. «Och o‘yinlar» kitoblarini o‘qib, yangi o‘yin yaratish fikriga kelgan. O‘sha davrda u dastrulashdan butunlay bexabar edi va aynan PubG’ni yaratish uchun ushbu sohaga jiddiy kirishgan.Yuqorida aytib o‘tganimizdak, PubG’ning to‘liq shakli “PlayerUnknown’s Battlegrounds“ («noma’lum o‘yinchi jang maydoni») bo‘ladi. O‘yin nomi biroz g‘alati va tushunarsiz, lekin buning o‘ziga xos sababi bor. Dizayner Grinning o‘zi ham o‘yinlar ishqibozi bo‘lgan. O‘yinlarda esa u o‘ziga “PlayerUnknown“ (noma’lum o‘yinchi) nomini tanlar edi. Shundan kelib chiqib, o‘zi yaratgan o‘yinga ham ushbu nomni bergan.PubG anchadan beri eng ko‘p o‘ynaladigan o‘yinlar bo‘yicha jahon rekordini o‘rnatib kelmoqda. 2017-yil dekabr oyida bir vaqtdagi PubG o‘yinchilari soni 3 million 106 ming 358 kishini tashkil qilgan. Shu yilning sentabr oyida esa o‘yin o‘z rekordini yangiladi. Hozirgi kunda esa eng ko‘p o‘ynalyotgan 5 ta o‘yindan biri hisoblanadi.Agar PubG’da g‘olib bo‘lsangiz “Winner Winner Chicken Dinner“ (o‘zbek tiliga so‘zma-so‘z tarjimada “g‘olib-g‘olib tovuqli kechki ovqat“ bo‘ladi) degan yozuv ko‘rinadi. Bu iborani o‘yin yaratuvchisining o‘zi o‘ylab topmagan. Aytish joizki, 30-yillar iqtisodiy inqiroz davrida odamlar ko‘p qimor o‘ynashar edi. Agar ular pul tikib g‘olib bo‘lishsa, kechki ovqatga tovuq sotib olishlari mumkin edi. Shundan kelib chiqib, o‘yin g‘olibi, ko‘chma ma’noda, kechki ovqat uchun tovuq bilan siylanadi. Erangel PubG’dagi eng mashhur va asosiy xaritadir. Bu nom biror ma’no anglatadimi yoki shunchaki o‘yin yaratuvchisi o‘ylab topganmi? O‘yin dizayneri Brendan Grin bu nomni o‘z qizinig ismidan olgan. Shunday qilib “Eryn“ va “angel“ so‘zlari qo‘shilganda PubG o‘ynovchi barcha geymerga tanish bo‘lgan nom hosil bo‘ladi. Agar siz PubG’ning arangel xaritasida o‘ynagan bo‘lsangiz, Pochinki nima ekanligi haqida izoh berishga hojati yo‘q. Bu hudud xaritaning qoq markazida joylashgani bilan mashhurdir. Ammo Rossiyada Pochinki nomli bir necha qishloqlar ham bor. Uasnaya polnaya ham xaritadagi mashur joylardan biri. Bu ham rossiyalik yozuvchilarning uy muzeyi, ham yozuvchi Lev Tolstoyning sobiq uyi hisoblanadi. PubG o‘ynida o‘ylab topilgan joylardan ko‘ra real geografik hududlar ko‘proqdir.Agar o‘yinda g‘irromlik qilishga urinsangiz sizga yuz yillik taqiq beriladi. Shuning uchun ehtiyot bo‘ling!
