Tugʻma ichak nuqsoni

DO`STLARGA ULASHING:

Assalomu alaykum.Mening yoshim 29da, hozirda 2 nafar sogʻ-salomat farzandim bor. Dekabr oyida 3-farzandimni dunyoga keltirdim,afsuski chaqalogʻimda tugʻma ichak nuqsoni kasalligi tashxisi qoʻyilib,1 kunligida operatsiya qilishdi. Qizim 5 kungacha narkoz taʼsiridan xushiga kelmadi. Qizimdan ajralib qoldim…..Bu kasallikni homiladorlik davrida aniqlash mumkinmi? Vaholangki, homiladorlik davrida men hech qanday kasal boʻlmaganman, iltimos bu kasallikni qanday kelib chiqishi haqida maʼlumot bersangiz, iltimos. Oldindan rahmat.

Tugʻma ichak nuqsonlari turlari koʻp. Ichak atreziyalari, stenozlar va hokazo. Bundan tashqari mukovitsidozning mekonial ileus shaklida ham zudlik bilan operatsiya qilish zarurati tugʻilishi mumkin. Albatta, tugʻma anomaliyalarni genetik tekshiruvlar orqali sikrining markazlarida aniqlash mumkin. Maslahatimiz, genetik vrach bilan maslahatlashing.