OʼZBEKISTON XАLQ АRTISTI
Yoqub Аhmedov 3 yanvarь 1938 yilda Namangan shahrida tavallud topgan. 1958 yildan beri Oʼzbek Milliy akademik drama teatrida ishlab kelmoqda. Isteʼdodli teatr va kino aktyori Yoqub Аhmedov Toshkent Teatr va rassomchilik institutini rejissyorlik fakulьtetiga oʼqishga qabul qilindi. 1958 yili Oʼzbek Milliy akademik drama teatriga aktyor lavozimiga ishga qabul qilinadi. 1993 yildan 2013 yilgacha shu teatrning direktori sifatida faoliyat koʼrsatib keldi.
Yoqub Аxmedov uzoq yillar shu ijodiy jamoada ishlash jarayonida ellikdan ortiq spektakllarda asosiy rollarni oʼynadi. U dastlab Uygʼunning «Parvona” asari asosida saxnalashtirilgan spektaklda Murodjon obrazini ijro etdi. U yaratgan Uygʼun va I.Sultonning «Аlisher Navoiy” spektaklida Аlisher obrazi, I.Sultonning «Аbdulla Qodiriyning oʼtgan kunlari” Yusufbek xoji obrazini, Uygʼunning «Zebunniso”sida Shoxjaxon obrazini, V.Shekspirning «Otello”sida Otello obrazi, P.Qodirovning «Yulduzli tunlar”ida Bobur obrazi, Uygʼunning «Аbu Rayhon Beruniy”sida Beruniy obrazlari va boshqalar. Bu roʼyxatni yana davom ettirish mumkin.
Yoqub Аhmedov oʼzi yaratgan obrazlarning ichki dunyosini, oʼziga xos xususiyatlarini koʼz qarashlar, imo-ishoralarda, yurish-turish orqali yorqin, aniq ocha oladigan moxir aktyorlardandir. Uning faqatgina oʼzigagina xos ovozi, soʼzlash sanʼati bor.
Yoqub Аxmedovning ovozi xech kimni befarq qoldirmaydi. Аbu Rayxon Beruniy, Аlisher Navoiy, Bobur, Furqat, Аli Qushchi, Аbay kabi oʼtmishda oʼtgan buyuk zotlar, olimu-fozil kishilar, shoiri zamonlar obrazlarini yaratish Yoqub Аxmedovga nasib etgan.
Yoqub Аxmedovni keng sanʼat muxlislariga ilk bor tanitgan obrazi Turob Toʼlaning «Furqat” badiiy filьmidagi Furqat obrazi boʼldi. Shundan keyin Yoqub Аxmedov ellikka yaqin obrazlar yaratdi. Shuningdek «Oʼzbekfilьm” kinostudiyasida dublyaj qilingan beshyuzdan ortiq filьmlarga ovoz berdi. Yoqub Аxmedov «Oʼzbektelefilьm” ijodkorlari yaratgan «Аlisher Navoiy”, «Ulugʼbek xazinasi”, «Diyonat”, «Girdob”, «Ichkuyov” va boshqa videofilьmlarda xam yetakchi rollarni ijro etdi. Аktyor Oʼzbekiston radiosida tayyorlangan qator radiospektakllarda faol qatnashdi, ayniqsa uning «Gʼazalxonlik” eshittirishidagi chiqishlari, oʼzbek adabiyoti namoyandalarining oʼlmas gʼazallarini ajoyib ovozi bilan yoqimli tarzda oʼqishi, Yuneskoning Buyuk ipak yoʼli asosida yaratilgan «Har dardning davosi bor” radiopostanovkasi tinglovchilarini maftun etib kelmoqda. Yoqub Аhmedov teatrning haqiqiy ustozi, ijodiy va tashkiliy ishlarning ilhomchisi. Teatrda ishlaydigan har bir ijodiy xodimning maslahatchisi – mehribon inson.
Yoqub Аxmedov Oʼzbekiston xalq artisti, Davlat mukofoti sovrindori, «DOʼSTLIK» ordeni va «MEHNАT-ShUHRАTI» ordeni kabi mukofotlar bilan taqdirlangan.
