DO`STLARGA ULASHING:
Bifidumbakterin kukuni
#Бифидумбактерин кукуни
💊DORI SHAKLI 👇
Ichga qabul qilish uchun , suspenziya tayyorlab ichish uchun liofizilat kukun ko’rinishida .
💊TARKIBI 👇
Bifidumbakterin. Ko’plab bifidobakteriyalar saqlaydi.
💊TA’SIRIGA KO’RA 👇
Ichak normal mikroflorasini yaxshilovchi vosita. Probiotik vosita.
Farmakologik ta’siri — ichak mikroflorasini normallashtirish.
Ko’p patogen va shartli ravishda antagonistik ta’sirga ega patogenlar. Bu oshqozon-ichak traktining faoliyatini normallashtiradi, ichak kasalliklarining cho’zilib ketgan shakllanishining oldini oladi, bir qator vitaminlar va boshqa moddalarning buzilgan enteral sintezini tiklashga yordam beradi.
Bifidumbakterin – ichak mikroflorasini normallashtiradi, immunitetni ragʻbatlantiruvchi vositadir. Bifidumbakterin probiotik boʻlib hisoblanadi va liofil quritilgan antagonistik faol tirik bifidobakteriyalar saqlaydi. Keng doiradagi patogen va shartli-patogen mikroorganizmlarning antagonisti boʻlib hisoblanadi. Ovqat hazm qilish jarayoni va meʼda-ichak yoʻllarining funksiyasini, almashinuv jarayonlarini faollashtiradi, organizmning nospetsifik rezistentligini oshiradi.
💊QO’LLANILISHI 👇
— Bifidumbakterin meʼda-ichak yoʻllarining mikrobiotsenozini normallashtirish (ichak mikroflorasini muvofiqlashtirish), organizmning nospetsifik rezistentligini oshirish, ovqat hazm qilish yoʻllarining funksional faoliyatini ragʻbatlantirish, tugʻruqxonalar va kasalxonalar ichki infeksiyasini oldini olish uchun qoʻllanadi.
— Detoksikatsion xususiyatlarga ega. Kattalarga va bolalarga quyidagilarni davolash uchun qoʻllanadi: 👇
— Disbakteriozlar, shu jumladan antibiotiklar, gormonlar, nur bilan davolash va ximioterapiyada, stresslarda profilaktika uchun qabul qilinadi.
— Oʻtkir ichak infeksiyalarida, shu jumladan etiologiyasi aniqlanmagan infeksiyalarda qabul qilinadi.
— Surunkali qabziyatlarda qabul qilinadi.
— Malabsorbsiya sindromlarida
disbakteriozlar bilan kechuvchi allergik kasalliklarda qabul qilinadi.
— OʻRVI ( O’tkir Respiratorli virusli Infeksiya ) — bilan tez-tez kasallanuvchi bolalar va kattalarda disbakteriozni oldini olish uchun qabul qilinadi.
— Emizikli bolalarni sunʼiy ovqatlantirishga erta oʻtkazilganda va donor suti bilan emizilganda qoʻllanadi.
— Ichak shamollashlarida yaxshi ta’sirga ega.
💊QO’LLASH USULI VA DOZASI 👇
Ichga qabul qilinadi, qabul qilishdan oldin preparat ovqatning suyuq qismi bilan aralashtiriladi, qatiq bilan aralashtirish afzal va ovqatdan oldin beriladi. Preparatni 30-50 ml xona haroratidagi qaynagan suvda aralashtirish va hosil boʻlgan aralashmani ichish mumkin. Emizikli bolalarga koʻkrak suti bilan aralashtirib, emizish vaqtida beriladi.
Disbakteriozni oldini olish uchun bifidumbakterin 6 oylikkacha boʻlgan bolalarga 2,5 dozadan kuniga 1-2 marta, 6 oylikdan 3 yoshgacha boʻlgan bolalarga – 5 dozadan kuniga 1-2 marta, 3 yoshdan oshgan bolalarga va kattalarga – 10 dozadan kuniga 1-2-marta buyuriladi. Profilaktik kurs 2-3 xafta yiliga 2-3-marta oʻtkaziladi. Davolash uchun bifidumbakterin 6 oylikkacha boʻlgan bolalarga 2,5 dozadan kuniga 2-6-marta, 6 oylikdan 7 yoshgacha boʻlgan bolalarga – 5 dozadan kuniga 3-5-marta, 7 yoshdan oshgan bolalarga va kattalarga 10 dozadan kuniga 3-4-marta buyuriladi. Davolash kursi 5 kundan 15 kungacha, kasallikning xarakteri va ogʻirlik darajasiga bogʻliq. Davolash kursi 3-4 xaftani tashkil qiladi. Zarurati boʻlganida davolash kursini 2-3-marta takrorlash mumkin. Har bir kurs avvalgi kurs yakunlangandan keyin bir oy oʻtgach oʻtkaziladi.
🔰Yordamchi tayanch so’zlarga ta’rif berib o’taman. 2,5 doza degani yarim flakon , 5 doza degani 1 flakon massada bo’ladi. Ya’ni 1 ta flakon bifidumbakterin 5 doza degani.
👉Chaqaloqlarga ichirish uchun shpritsdan foydalansa ham bo’ladi.
🚫NOJO’YA TA’SIRI 👇
Nojo’ya ta’siri aniqlanmagan.
❌QO’LLASH MUMKIN BO’LMAGAN HOLATLAR 👇
Preparatga yuqori allergik reaksiya bo’lganda mumkin emas.
🔰ADMIN MASLAHATI 👇
💥Bifidumbakterinni chaqaloqlarga hayotining birinchi kunidan boshlab berish mumkin.
💥Bu preparatni kattalar ham qabul qilishi mumkin.
💉Qo’llash — retseptsiz
💉Ishlab chiqaruvchi — Rossiya , Uzbekistan.