DO`STLARGA ULASHING:

Diktant: Maktab kutubxonasi

Bizning maktab kutubxonamiz juda fayzli joy. U yerda turli fanlarga oid kitoblar, ertaklar, hikoyalar va lug‘atlar bor. O‘quvchilar kutubxonaga kirib, o‘zlariga kerakli kitoblarni olishadi.

Kutubxonada baland ovozda gaplashish mumkin emas. Har kim kitobni ehtiyot qilishi, uni toza saqlashi kerak. Chunki kitob — bilim manbai. Kutubxonaga tez-tez boradigan o‘quvchining bilimi ortib boradi.

Men kutubxonaga borishni yaxshi ko‘raman. U yerdagi kitoblar menga ko‘p foyda beradi.