Avtomobil egasi antifriz haqida nimalarni bilishi lozim?

DO`STLARGA ULASHING:

Birinchi galda yodingizga solib o‘tish kerakki, avtomobil antifrizi — bu dvigatelni sovitish tizimining eng asosiy tarkibiy qismlaridan biri sanaladi. U bir umrlik emas, avtomobilning boshqa suyuqliklari singari antifrizni ham almashtirib turish lozim.

Matiz, Damas, Labo rusumlarida almashtirish jarayoni har 40 000 kilometrda, Captiva, Malibu, Orlando modellarida esa sal kamroq — har 240 000 kilometr yoki 5 yilda bir marta o‘tkazilishi kerak.
Ayni shu nuqtada G11, G12, G13 tasniflari bo‘yicha tanlov yuzaga keladi.
Ularning asosiy farqlariga to‘xtalib o‘tamiz:
G11 tasnifi – zanglamaydigan, moylaydigan, ko‘pirmaydigan yengil xususiyatlarga ega;
G12 tasnifi — markaziy nuqtalarda zangga qarshi qoplamalarni yuzaga keltirish orqali issiqlik qaytarilishini samaraliroq tashkil etadi;
G13 tasnifi G12dagi barcha xususiyatlarga ega, shu bilan birga u ekologik tasnif sanaladi.
Sovituvchi suyuqliklar sifatga mutlaqo ta’sir etmasdan turib ranglariga ko‘ra ham farqlanadi.
Suyuqlikni almashtirishda ishonchli sotuvchilardan xarid qilingan sinalgan xilidan foydalanish lozim. Axir butun boshli dvigatel sovitish tizimining to‘g‘ri ishlashi antifrizni tanlashga bog‘liqdir.