Oq qon – leykoz qanday kasallik.

DO`STLARGA ULASHING:

Kasallik xaqida maʼlumot berishdan oldin qon toʼgʼrisida maʼlumot berib oʼtmoqchiman. Qonni ikki qismga boʼlishimiz mumkin:

Plazma – qonning suyuq qismi.
Shaklli elementlar – qonning xujayraviy tarkibi. Bu xujayralarni xam 3 ta katta guruxga boʼlamiz:
Eritrotsit – qizil qon tanachasi. Buning asosiy vazifalaridan biri qonda kislorod tashish.(boshqa juda koʼp vazifalari mavjud)
Leykotsit – oq qon tanachalari. Bu gurux xujayralari organizmning «armiya”si yaʼni immunitet deb atalinadigan jarayonga javob beradi.
Trombotsit – buning asosiy vazifasi qon toʼxtatishda ishtirok etadi.
Leykoz – (oq qon, leykemiya) deb organizmda mutatsiyaga uchragan oq qon xujayralarini koʼpayib ketishiga aytiladi. Bu mutatsiyaga uchragan xujayralar sogʼlom xujayralar oʼrnini egallaydi. Uni leykotsitlarning turiga, yetilgan yoki yetilmaganiga qarab juda koʼp turlari mavjud.

Tarqalishi.

Аmerika olimlari aniqlashicha xar 100 000 ta odamdan 25 tasida uchraydi. Koʼproq yosh bolalar (3-4 yosh) va qariyalar (60-69 yosh) xastalanadi.

Sabablari. Zamonaviy tibbiyotda aniq sababi aniqlanmagan. Extimoli bor sabablar quyidagilar:

Ionlovchi nurlanish. Yaponiyada atom bomba portlaganda 1,5 km radiusdagilar 45 marta koʼproq bu kasallik bilan xastalanagan.
Kantserogen moddalar. Baʼzi dori vositalar va ximiyaviy moddalar.
Irsiyat. Oilasida kasallik boʼlsa farzandlarida uchrash extimoli 3-4 barobarga ortadi.
Virus. Inson xujayrasida DNK ga bogʼlanib, uni mutatsiyaga uchratadi. Bu bir extimol xolos.
Baʼzi bir turlari inson irqiga va yashaydigan geologik zonasiga bogʼliq.
Klinik belgilari.

Ularni quyidagi rasmda keltirib oʼtilgan.