Bu mavzuda yozish niyatim yo’q edi, lekin bugungi «Mahalla hayriya jamoat fondi» kanalida o’tkazilgan so’rovnomani o’qib, shu mavzuni yozdim. Fond kanali xakkerlar hujumiga uchradi degan fikrdan yiroqman, lekin kanallarni buzishning har xil yo’llari chiqib ketganligini aytib o’tmoqchiman holos. Misol uchun mana bu usuli:
Siz biror kanal egasisiz, kimdur sizga shu kanalingizni sotib olmoqchi bo’lib, rad etaolmaydigan summa taklif qiladi. Siz rozi bo’lasiz va sizdan qo’ng’iroq qilishni so’raydi, bu orqali sizning telefon raqamingizni bilib oladi.
So’ng, bo’lar bo’lmas gaplardan so’ng, sizga rostan ham siz admin ekanligingizni isbotlashingizni so’raydi va biror video qo’ng’iroq orqali telefoningizni ekranini ko’rsatishni talab qiladi.
Siz ekraningizni ko’rsatayotgan paytda, yomon niyatli shaxs, sizning raqamingiz bilan telegramga ulanishni boshlaydi va ulanish uchun kod jo’natish joyiga kelganda, jo’natilgan kodni videoqo’ng’iroq orqali sizning telefon ekraningizdan ko’rib oladi.
Bo’ldi tamom, kanal ham uhladi, ma’lumotlaringiz ham.
Bu kanallarni o’g’irlashning bitta usuli holos. Bu yerda hech qanday buzishlar amalga oshirilgani yo’q, faqatgina sizning ehtiyotsizligingiz sabab bo’ldi holos.
Telegram yaratilganda, uni buzish uchun katta summalar taklif qilingan va shu orqali uning xavfsizligi yaxshilab tekshirib olingan, bu yog’i endi foydalanuvchi sabab biror buzish amalga oshirilishi mumkin.
☝️Jamoat fondi tashkil qilgan so’rov ham qandaydir ehtiyotsizlik oqibatida chiqib ketganiga ishongim kelmoqda, bu fond uchun katta minus bo’ldi. Mening pozitsiyam shunday, agar qandaydir texnik xato bilan bu so’rov chiqib ketgan bo’lsa, bu uchun ko’p kanallar shunday so’rov tuzib trendga olib chiqishiga qarshiman. Bunday texnik holat istalgan kanal bilan sodir bo’lishi mumkin.
