25-may kuni o’tkaziladigan “So’ngi qo’ng’iroq“ tadbiri ssenariysi

DO`STLARGA ULASHING:

Vosilxo’ja :                   Assalom azizlar , muhtaram zotlar,
                                        Tashrif uchun rahmat diydor g’animat
                                        Bu damlar g’animat , umr g’animat
                                        So’zimiz  boshlashga etingiz ruxsat
Elshod : Assalomu alaykum , mehridaryo ustozlar , mehribon murabbiylar, hurmatli ishchi aka-opalar.
Vosilxo’ja : Assalomu alaykum , bugungi  “So’nggi  qo’ng’iroq ” tadbiriga tashrif buyurgan aziz ota-onalar , qadrli maktabdosh do’stlar
Elshod :                       Qo’limdan kelgancha aylab ta’rifin
                                    Bitiruvchilarimizning qilib hurmatin
                                    Taklif etmoqlikka  berasiz ruxsat
                                    Qarsak urib turing maktabdoshlarim
Vosilxo’ja : Bugungi so’nggi qo’ng’iroq tantanasining asosiy sababchilari 9-sinf bitiruvchi o’quvchilarini  kutib olaylik.
( MUSIQA SADOLARI OSTIDA BITIRUVCHILAR KIRIB KELISHADI )
1-boshlovchi :      Assalom, ey ahli donishlar salom
                             Mehri ummon qalbi quyoshlar salom
                             Qo’llar ko’ksimizda dermiz xush kalom
                             Aziz ustozlarim salom assalom
2-boshlovchi :      Ey olloh nazari tushgan ustozlar
                              E’tiqod bulog’i  toshgan ustozlar
                              Dillarda ehtirom tillarda kalom
                              Deymiz biz sizlarga, salom assalom
1-boshlovchi : Assalomu alaykum ,aziz ustozlar, qadrli mehmonlar, maktabdoshlar.
Bugun biz bitiruvchilar uchun eng hayajonli hamda quvonchli kun .
2- boshlovchi :            Tuprog’ingda daholar xoki
                                   Ul sohibi dunyolar xoki
                                   Bobolarki, ulug’ chinordek
                                   Momolarki, Qutlug’ Nigordek
                                   Chinorlarki, beshiklar bo’lgan
                                   Kelajakka eshiklar bo’lgan
                                   Sen onasan muqaddas Vatan
                                   Yagonasan muqaddas Vatan
                                   Xazinamsan, taxtim o’zingsan
                                   Qiyosi yo’q baxtim o’zingsan
                                   Yer yuzining jannati sensan
                                   Yaratganning san’ati sensan
                                   Jannatbog’im hazrattog’imsan
                                   Mehrobimsan, sajdagohimsan
                                   Sen onasan, muqaddas Vatan
                                   Yagonasan, muqaddas Vatan
                                   Manglaydagi Durri Akbarim
                                    Ne ko’zlarni olgan gavharim
                                   Qora niyat, g’araz so’zlardan
                                   Asragaymiz yomon ko’zlardan
                                   Ko’ksim ichra yuragim tumor
                                   Bu tumorda qutlug’ noming bor
                                   Sen onasan muqaddas Vatan
                                   Yagonasan muqaddas Vatan
1-boshlovchi : Biz O’zbekiston deb atalmish jannatmakon yurt farzandi ekanligimizdan faxrlanamiz. Tantanali onlarimizda yangraydigan madhiyamiz bizning g’urur va iftixorimizdir.
Madhiya ijro etiladi.
1-boshlovchi : Bugungi so’nggi qo’ng’iroq tantanasini ochib berish uchun so’z navbatini maktab-internatimiz direktori , muhtaram ustozimiz I. O. Qodirovga beramiz. Marhamat ustoz.
2-boshlovchi :Biz ulug’ O’zbekistonning navqiron avlodlarimiz. Bizning bu hayotda orzularimiz , ko’zlagan maqsadimiz qiladigan ishlarimiz juda ko’p, lekin eng buyuk , eng muqaddas vazifamiz xalqimiz istiqbolini ko’z qorachig’day asrash, uning xafsizligini ta’minlashdir.
Vatan haqida she`rlar:
1. Bugun bizlar barkamol avlod
    Shu vatanning suyanch, ardog`i
    Azim chinor bo`lsa gar Vatan
    Bizlar uning ko`rki, yaprog`i
2. Mag`rur dilda muqaddas maqsad
    Shu vatanning koriga yarash
    Va shuuriga bosilgan farah
    Tiniq fitrat, keng dunyoqarash
3. Biz hech kimdan kam bo`lmaymiz
    Kam bo`lmaymiz, illo hech qachon
    Biz birdammiz, sofid qadammiz
    Ortimizda Vatan jonajon
Hamma
Biz barkamol, o`ktam avlodmiz
Kelajagi buyuk davlatmiz
1-boshlovchi : Bugun yuragimizda hayajon, quvonch qarshingizda turar ekanmiz dono bobo – buvilarimizning “Umr oqar daryo” degan hikmatlarini yana bir bor esga olmoqdamiz
2-boshlovchi :. Ha keksalarning har bir so`zi hikmat, hayot yo`llarimizda mayoq.
1-boshlovchi :  Keksalarning davrlar sinovidan o`tgan so`zlari purhikmat maqollarga aylanib ketgani hech kimga sir emas
2-boshlovchi :.”Ustoz otangdek ulug`” deydilar. Hayotda yaxshi ustozdan ta`lim olishning o`zi baxt-omad.
Ustoz haqida she`rlar
  1. Ko`ngling zilol suvdek oqib ketadi
Tanangga havolar yoqib ketadi
Quyosh ham havasla, boqib ketadi
Yo`lingda muallim – ustoz uchrasa
  1. Ezgu – orzularla ko`nglingni sof tut
Qayerda bo`lsang ham yaxshilarni kut
Ustozga ta’zim qil, g`amlarni unut
Yo`lingda muallim- ustoz uchrasa
  1. Aytsang me`zon bilmas, ustoz ta`rifi
Sha`n – u maqtoviga topilmas kalom
Ma`rifat quyoshi nur sochgan yurtda
Ulug` ustozlarga ulug` ehtirom
  1. Ustoz saboq bergan dars xonalarda
Vatan kelajagi bo`lmoqda bunyod
Ilm ziyosida, yurak qaridan                                                                                                                          Voyaga yetmoqda barkamol avlod
B. Bizning omadimiz, baxtimiz ana shunday bilimdon ustozlar jam bo`lgan  viloyat miqyosida tanilgan 5- viloyat ixtisoslashtirilgan davlat umumta`lim maktab-internatida tahsil oldik.
Maktab haqida she`r
  1. Iqtidorli yoshlarga boy
Sen misoli quyoshi oy
Yuragimdan olding-ku joy
Hayotimga bo’lding chiroy
Maktabjonim faxrimsan
Biz yoshlarning baxtimizsan.
  1. Olloh bergan hur istiqlol
Mustaqillik baxtu iqbol
Farzandlaring topar kamol
Yashnab ochgin ko’rkam jamol
Maktabjonim faxrimizsan
Biz yoshlarning baxtimizsan.
  1. Ustozlarning madhi bitmas
Maktabga ko’p qilgan havas
Yo’llaringga tushmasin xas
Qasd qilganlar bo’lsinlar past
Maktabjonim faxrimizsan
Biz yoshlarning baxtimizsan.
                                             Maktab haqida qo’shiq ( Eng gullagan )
Men sizni quyoshga qilaman qiyos
Muhtaram ustoz!
Quyoshday mehr bor nigohingizda
Yo’q, yo’q, beqiyos!
  1. Ustoz ta’rifini aytmoq uchun
Til ojiz, so’z yetmas.
Minnatdor shogirdlaringizning
Dil izhorlari siz uchun.
  1.        1.  Bahorning eng go’zal gullari sizga
Quyoshning eng yorug’ nurlari sizga
Umrning eng baxtli yillari sizga
Biz uchun doimo azizsiz, ustoz!
  1.  2.  Mehr-la so’zlagan so’zingiz go’zal
Quvonchi porlagan yuzingiz go’zal
Bizga bilim bergan o’zingiz go’zal
Biz uchun doimo azizsiz, ustoz!
  1. Hayot maktabida berdingiz saboq
Ammo yo’llar uzun, manzillar yiroq
Ketsak-da, qalbimiz ketmagay yiroq
Biz uchun doimo azizsiz, ustoz!
  2. Mo’tabar nomingiz tillarda doston
Qo’shiq. ( ________________ )
Ustozlarga she’r
  1. Qirq besh daqiqa qadrin kim bilar
Sochining oqi-yu, ajinlar ular
Bolalar qalbiga tushar tuyg’ular
Maktabimning dono muallimlari
  1. Shodliklar ko’p ularning sanog’i yo’qdir
Siz bergan mehrning adog’i yo’qdir
Siz kabi ilmning fidoyi yo’qdir
Maktabimning dono muallimlari
  1. Siz ekkan nihollar ushbu kun daraxt
Biri meva berar birisi salqin
Sizga boqib turib kelar havasim
Mehringiz quyoshi xuddi bir oftob
  1. Shogirdlar niholu bog’bon muallim
Mehri mo’jizaviy ummon muallim
Madhini kuylasam bo’lmagay ado
Ta’rifi tuganmas doston muallim
  1. Ey aziz muallim,tarifingizni
Ta’riflash bizlarga kechmaydi oson
Birgina so’z aytay sizga mos qilib
Sizdirsiz dunyoda eng aziz inson
  1. Murg’ak dilimizni siz yoritdingiz
Oq-qora ranglarni siz tanitdingiz
Dunyoning borligin, ham go’zalligin
Boshimiz silabon siz o’rgatdingiz
  1. So’zlasam titrardi sizning labingiz
Qo’shiq kuylasam jo’r ovozingiz
O’yingoh bag’rida men jovlon ursam
Olqishlab zafarga siz chorladingiz
  1. Sizdayin insonlar mingtadan bitta
Chiqsa chiqadiki la’l kabi kamyob
Ustozlar doimo bo’ling salomat
Mehringiz buloqday toshsin toabad.
  1. Onamdek ulashib bor mehringizni
Yil davomida berdingiz ta’lim
Nurlari edik biz shu ko’zingizni
Sizdan minnatdormiz aziz muallim
  1. Sinfga bosh bo’lib bo’ldingiz ona
Sershovqin maktabim mo’jaz darsxona
Ustozlar ichra siz tanho yagona
Sizdan minnatdormiz aziz muallim
  1. Bazan sho’xlik qilib o’ynaganmiz rost
Bazida jahlingiz chiqardik biroz
Ushbu dam sizgadir qalbdagi e’zoz
Sizdan minnatdormiz aziz muallim
  1. Bolalik yillar ham o’tdi shosha
Maktabdir biz uchun qadrdon go’sha
Hatto biz o’zgardik siz o’sha-o’sha
Sizdan minnatdormiz aziz muallim
  1. Dunyo sizlar bilan oboddur bu kun
Boshimiz tekkuncha qilamiz ta’zim
Shogird kalomi sizgadir bu kun
Sizdan minnatdormiz aziz muallim.
Sahna ko’rinish.
  1. Besh yil o’qidik biz birga hamnafas
Tanaffus bo’lishin ko’p kutdik biroq
Bugunchi maktabdan hech ketgim kelmas
Chalinmay turoqol so’nggi qo’ng’iroq
  1. Eng yaqin do’stlarim ,sinfdoshlarim
Partaga bosh qo’yib ko’z yoshi munchoq
Yashirgim kelmaydi men ham yoshlarim
Chalinmay turaqol so’nggi qo’ng’iroq
  1. Nelar kutmoqdadir bizlarni hali
Muhabbat sevinchmi baxtmi yo so’roq
Nahotki yetda tark eymoq mahali
Chalinmay turaqol so’nggi qo’ng’iroq
  1. Besh yil umr shoshib o’tibdi
O’tgan umr yo’llaringdir oq
Bilolmadim qayon ketibdi
Jarnglayver song’gi qo’ng’iroq
  1. Seni qo’llab bugun talashsin
Tortqilashsin va erkalashsin
Urushganlar mangu yarashsin
Jaranglayver so’nggi qo’ng’iroq
  1. Bahor o’tib yetishdi yozlar
Yaxshi orom aqlni ko’zlar
Ustozlarimizning ko’zlari hamisha sevinchdan porlab tursin. Biz, shogirdlar sizlarni  hamisha ko’zimiz qarog’ida, qalbimiz ardog’ida saqlaymiz.
Rahmat sizga aziz ustozlar
Jaranglayver so’nggi qo’ng’iroq
                                         Qo’shiq (Ey cholg’uchi)
O’quvchilarning orzulari haqidagi she’rlar
1-boshlovchi : Aziz ustozlar ,sizlar biz uchun eng qadrdon, eng aziz insonsiz. Shuning uchun yuragimiz qo’ridagi e’zgu orzularimiz haqida sizga aytgimiz keldi.
  1.  1.  Bayramimiz ko’p bo’lar
Ustozlar, bo’lsam katta
Muhandis yoki olim
Men bo’laman albatta.
 2. Kiyim-bosh ham ko’p bo’lar,
Sanab bo’lmaydi hatto
Sizga homiy, zo’r bankir
Men bo’laman albatta.
  1. Maktablar soz, zo’r bo’lar
Kompyuter, silliq parta
Ustoz, katta tadbirkor
Men bo’laman albatta.
  1. Ustoz, bo’lsam savdogar
Qo’lim bo’lmaydi kalta
To’yingizda bosh-u qosh
Men bo’laman albatta.
  1. Opajonlar dam oling
Qo’lda paxta termoq or
Mashinalar yaratib
Bo’lay olim ijodkor
  1. Ko’p urunmang, dadajon
Serob bo’lar osh-u non
Kelajakda albatta
Bo’laman zo’r agronom
  1. Uztozlar, hormang tolmang
Hozir muhimdir ta’lim
Ko’rasiz, oliygohda
Men bo’laman muallim.
  1. Hech o’ksimang onajon
Bir kun bo’lasiz qoyil
Bo’lsam Vatan ishida
Mirzo Boburdek shoir
  1. Oq yo’l tilang azizlar
Ilm olib to’laman
Ilyosjon Qodirovdek
Eng zo’r rahbar bo’laman
  1. Informatika fanin
Sirlarini o’rgandik,
Biz maktabni ikkinchi
Uyimiz deb bilgandik.
Kelajakda yangicha
Dasturlarni tuzaman
SHuhratjon ustoz, uzr
Hali sizdan o’zaman.
  1. Nozimjon ustoz bergan
Bilimlarin oqlayman
Asqarjon sudya bo’lib
Haqiqatni yoqlayman.
  1. Jurnalist bo’lish asli
Jasoratli bo’lmoqlik
Vatan yurt ravnaqini
Keng olamga yoymoqlik
Ustozlarning madhida
Maqolalar yozaman
Azizxon Ho’jayev deb
Unga imzo qo’yaman.
  1. Hisob kitob ilmini
O’rgandim shu maktabda
Ustozlar Agrobankda
Elbek kutar albatta.
  1. Chet ellarda sayyohlar
Kelsa kutib olaman
Qo’qonda besh yulduzli
Grand hotel quraman.
      London, Parij, Vashington
Qolar bir kun hayratda
Omon bo’lsa Tokio
  1. Men boraman albatta
      Chet ellarda o’qiymiz
Duo qiling, domlajon
Gulla yashna hur diyor
Vatanim O’zbekiston
  1. Aylang duo, ustozlar
Yashaylik yarataylik
O’zbekiston shuhratin
Dunyoga tarataylik.
(9-“A”sinf sahna ko’rinishi)
( Ustozlar ta’rifida she’rlar )
 Ota-onalarga so’z beriladi.
 Maktab bayrog’i va kaliti topshiriladi
 Qo’shiq (________________)
Nominatsiyalar beriladi:
Eng tirishqoq
Eng mas’uliyatli
Eng ijodkor
Eng mehnatkash
Eng tartibli
Eng uyquchi
Eng ko’p dars qoldirgan
Eng beg’am
Eng bahonachi
Eng baqiroq
Sinf rahbarlariga so’z
Sinf rahbarlariga she’r
Qo’shiq(ey sinfdosh)
Oquvchilar davradan chiqib ketadilar
Direktor tomonidan taqdirlash
Sahna ko’rinishi
Bitiruvchilar kirib keladi
“Xayr do’stlarim “qo’shig’i
Songgi qo’ng’iroq haqidagi she’rlar:
Bitiruvchilar tantanali va’da beradilar:
  1. Maktabimizning o’ziga xos an’ana, udumi bor. Hozir ustozlar ota-onalar oldilarida biz bitiruvchilar tantanali va’da bermoqchimiz.
  2. Biz 2019-yil bitiruvchilari ustozlarimiz, ota-onalarimiz, maktabdoshlarimiz qarshisida:
a)maktabimiz sha’nini ko’tarishga
b)ustozlar o’gitlarini, bergan bilimlarini oqlashga
d)mustaqil vatanimizga munosib farzand bo’lishga
       e)Vatanga sodiq bo’lishga tantanali ravishda qasamyod qilamiz.
Sinfdosh haqidagi she’rlar
            Maktab olib qo’ldi sho’x yillarimiz
            Bo’ldi endi boshqa o’z yo’llarimiz
Ulg’oyib borsak-da, hali ko’ngil yosh,
Xayr endi, xayr aziz sinfdosh.
Sinfxonamizda qoldirgan izlar,
Yosh to’la ko’zlarim shu izni izlar
Til esa faqat sog’inchdan so’zlar
Xayr endi, xayr aziz sinfdosh.
Qayerda bo’lsang ham sog’-omon bo’lgin
Olisda yursang ham mardona turgin
Baxtli bo’l, omading kelsin ilohim
Xayr endi, xayr aziz sinfdosh.
Qo’ng’iroq chalinadi(qo’shiq)
Maktab direktoriga so’z beriladi.
Bitiruvchilar tantanali chiqib ketadilar.

16 комментариев к “25-may kuni o’tkaziladigan “So’ngi qo’ng’iroq“ tadbiri ssenariysi”

Оставьте комментарий

ArabicChinese (Traditional)EnglishFrenchGermanHindiKazakhKyrgyzRussianSpanishTajikTurkishUkrainianUzbek