Topishmoq va tez aytishlar Оставьте комментарий / Topishmoqlar / От admin DO`STLARGA ULASHING: TOPISHMOQLAR *** Quyoshda tovlanadi, Shirasi til yoradi. Hidi tutar falakni, Biz yesak… *** U boʻladi yongʻoqli, Murabbo va qaymoqli. Shokoladli, pushti oq, Muzdekkina… *** Toʻni yashil, ichi qizil, Qoʻlga olsang zilu zambil. Pishar vaqti yozu kuz, Uning nomidir… *** Oʻrtogʻim ruchka, qalam, Bir chiziq, katak dalam. Ikkichiga kaptarman, Aʼlochiga… *** Qattiq, yumshoqdir jsmim, Xatoni oʻchirgum jim. Eng yaqin doʻstim chizgʻich, Meni derlar… *** Kech kuzgacha uzilmas, To yozgacha buzilmas. Derlar ming dardga davo Uning nomidir… *** Taomiman Navroʻzning, Umidiman rizq-roʻzning. Doshqozonda pishaman, Goh koʻpirib toshaman. Ijobat boʻlar tilak, Pishirsa kim… *** Bargim ingichka, Qad-bastim novcha. Hidlab koʻr hargis, Ismimdir… *** Gullari mayda-mayda, Boʻyogʻi siyoh rangda. Sogʻintirib xush atrin, Ochiladi… *** Yer tagida yetilar, Koʻp vitaminli boʻlar Shirasi bor, lek tuzsiz, Palov pishmaydi usiz. *** Yogʻib qolsa qor, yomgʻir, Izlab qolasiz zir-zir. Men-la boshingiz omon, Men-la yoʻlingiz ravon. *** Yugurib yetolmaysiz, Bir zum toʻxtatolmaysiz. Kim mazmunli oʻtkazar, Kim behuda-yu bekor. *** U gilosning ukasi, Biroz nordon mazasi. *** Ichida gʻij-gʻij bilim, Unda hayot yashirin. *** Kitob, daftar, qalamlar Bir yerga toʻp jamlanar. *** Toʻrqovoqdan uyi bor, Sayrasa qoʻshigʻi bor. *** Yashash joyi Afrika, Boʻyni uzun va tikka. *** Gugurt qutidek kelar, Uzoqni yaqin qilar. *** Ninasi koʻp tikolmaysan, Koptok qilib oʻynolmaysan. *** Oylarning eng boshiman, Qishning koʻzu qoshiman. Yozaman oq dasturxon, Yangi yil menga mehmon. *** Chimchilaydi yuzingni, Yoshlatadi koʻzingni. Ignasin sanchib olar, Burning qizarib qolar. *** Ochlik va suvsizlikni Yengib oʻtgan jonivordir, “Choʻl kemasi” atalgan Koʻp mashhur nomi bordir. *** U bahorning uchogʻi, Bolalarning oʻyinchogʻi. Katta-kichik qamishlar Bu uchoqning belbogʻi. *** Tekis, toʻrtburchak taxta Bahs maydonga aylanar. Oq va qora raqiblar Naq hujumga shaylanar. *** Baliq emas suzadi, Bogʻ-dalani kezadi. Chuvalchang, qurt-qumursqa Boʻlar unga ozuqa. TEZ AYTISHLAR Muzxonada muzlagan muzdekkina muzqaymoq. *** Sojida-yu Saodat sinfdosh va sirdoshlar. *** Chang koʻchani changitib chuqur soyda choʻmildim. *** Oʻlmas, Oʻktam oʻrtoqlar, Oʻt oʻrishdi oʻtloqda. *** Qora, qizil qalamni qalamdonga qamadim. *** Katta-katta koʻzmunchoq, Koʻylagimga koʻrk munchoq. *** Chirq-chirq-chirq, chugʻurladi chugʻurchuq. *** Chori chayilgan choynakka choyni chamalab soldi. *** Yozda yoqqan yoz yomgʻiri yon atrofga yogʻdek yoqdi. *** Talʼat taʼtilda tanlovga tayyorlandi. *** Qahraton qishning qahri qargʻani quvontirdi. *** Chumchuq, chittak chugʻurlashib Chumolini choʻqir shoshib. *** Tolib toʻpni topib tepdi, Gʻolib toʻpni tolib tepdi. *** Ignadirman ingichka, Bellarim ip-ingichka. *** Shirinnning shirchoyiga shiringina shirmoynon. *** Qayiq qirgʻoqda qimirlab turibdimi, Ayiq qirgʻoqda gʻimirlab yuribdimi? *** Oʻyinni oʻylab oʻynadim, Oʻyinni oʻynab oʻynadim. *** Shavkat sharbatni Sharifga tutdimi, Sharif Shavkatga sharini tutdimi? *** Mastura va Mastona maktabda mahmadona. *** Gunafshaning gullari gurillabdi, gullabdi. *** Piyolalik ey bola, Piyolang guli lola. *** Qumrining qoʻgʻirchogʻi qimirlasa qiqirlar. *** Qargʻa qagʻillar qar-qar, Qirni qalin qor qoplar. *** Qobil, Qoʻchqor va Qurbon Qordan qurdilar qoʻrgʻon. *** Qopin qoʻyib qorbobo Qoʻlqopini qidirdi. Qorqiz qalin qalpogʻin Qulogʻiga qoʻndirdi. *** Savatdagi sariq sabzi Sargʻayibdi, soʻlibdi. Saodat-chi sabzilarni Suvga solib qoʻyibdi. *** Mening mitti mushukcham Mitti mushtlarin mushtlar. *** Tuflining tagi tuproq, Tozala Tolib tezroq. *** Donogina Durdona Diyoraga dugona. *** Raʼno rasmlariga rang-barang rang tanladi. *** Qora qogʻozning qattiq qirrasi qoʻlimni qirqdi. *** Bulut bulutga, burgut burgutga ergashadi. *** Qora-qura qoʻzilar Qirda quvonib oʻtlar. *** Katakdagi kaklikka Karim kaftini tutdi. *** Oʻroq oʻxshar soʻroqqa, Soʻroq oʻxshar oʻroqqa. *** Chuvalchang chuvalashib chirmoviqa chirmashdi. *** Sumalakning sim-sim siri sayyohlarga soʻroq boʻldi. *** Temur turnikda turibdimi, Turgʻun tepada yuribdimi? *** Erkin ekkan ekinlar Dalani erkin enlar. *** Sobirning sozi sozli, Sahnada sof ovozli. *** Yormat yozda oʻtin yordi, Yorqin yordamga bordi. *** U yon-bu yon yurar quyon, Yov yovlasa yugurar quyon. *** Mard maydonda mardona, Nomard mardga begona. *** Belbogʻini belga bogʻlab, Bogʻbon bobo boqqa bordi. *** Dorivor daraxt doʻlana Mevasi dona-dona. *** Koʻk koptokni kaftda tutib, Koʻkka otdim kerilib. *** Qora qargʻa qorga qoʻndi, Qorni choʻqib, “qar” deb qoʻydi. *** Qorboboning qoʻlida qop, Qopida qat-qat oʻyinchoq. *** Ana alpdek asil archa, Ayiq, arslon ildi zarcha. *** Bobo, bobo qorbobo, Bogʻ-rogʻlarga boq bobo. *** Taom taʼmin tuy oʻrtoq, Tur oʻrningdan, tur tezroq. *** Jamol, Jalol joʻralar, Boqdi jajji joʻjalar. *** Toʻrtta topqir topaloq, Topishmoq topar quvnoq. *** Koʻm-koʻk kurtak, koʻkatlar Koʻklamga koʻrk koʻrsatar. *** Botir, Boir, Bahodir, Bilagi zoʻr bahodir. TOPISHMOQLARNING JAVOBLARI Xandalak, muzqaymoq, tarvuz, daftar, oʻchirgʻich, qovoq, sumalak, nargis, nastarin, sabzi, soyabon, vaqt, olcha, kitob, papka, bedana, jirafa, telefon, tipratikan, yanvar oyi, ayoz, tuya, varrak, shaxmat, oʻrdak. Zahro HASANOVA saviya.uz Oxshash xabarlar:O’zbekcha tez aytishlar to’plami bolalar uchunChaqaloqni qanchalik tez-tez cho’miltirish kerak:Qanday qilib sochni tez o'stirish mumkin?Tez vazn olsa bo'ladimi?Ikkita SIM-karta smartfon quvvatini tez tugatadimi?Rus tilini tez va oson o'rgansa bo'ladimi?Smartfoningiz quvvatini tez «yeb qo‘yadigan» dasturlarO'qigan narsani tez eslab qolsa bo'ladimi?Burundan qon ketishda tez tibbiy yordam ko‘rsatish.Zerikishdan tez qutulsa bo'ladimi?Kitobga tez va oson mehr qo'ysa bo'ladimi?Algebra va geometriyadan qiyin misol-masalalarni tez…Suzishni tez va oson o'rgansa bo'ladimi?Tiktokda tez ko‘tarilsa bo‘ladimi?Stressdan tez chiqib ketsa bo'ladimi?