Android’dan Android’ga kontaktlarni o‘tkazish

DO`STLARGA ULASHING:

Yangi Android-smartfon xarid qilgach, unga eskisidagi kontaktlarni ko‘chirib o‘tkazish kerak bo‘ladi. Quyida shu ishni tez va oson amalga oshirishni ko‘rib chiqamiz.

1. Google akkaunti

Kontaktlarni ko‘chirib o‘tkazish uchun bizga Google akkauntimiz kerak bo‘ladi; odatda u qurilmani ilk yoqqanimizda yaratilgan bo‘ladi. Eski smartfonda akkauntimizga ulangach, undagi kontaktlarni sinxronlash (синхронизация контактов) lozim. Buning uchun dastlab undagi “Sozlamalar”, ya’ni “Настройки”ga kiramiz.

2. Akkauntni izlaymiz

Sozlamalar ro‘yxatidan “Аккаунты”ni bosamiz.

3. Akkauntlar ko‘p bo‘lishi mumkin

Bu yerda sizning mazkur smartfondan foydalanishingiz jarayonida yaratilgan turli akkauntlaringiz aks ettiriladi, ular orasidan Google akkauntga kirish lozim.

4. O‘z akkauntimizni tanlaymiz

Qurilmani xarid qilgach, ilk bor yoqqanimizda ochilgan o‘z akkauntimiz ustiga bosamiz.

5. Sinxronizatsiyani yoqamiz

Endi “Контакты” bandining ro‘parasiga belgi qo‘yamiz.

6. Yangi smartfonda ham…

Oldingi qurilmangizdagi kontaktlarni yuqorida ko‘rsatilgan tartibda sinxronlaganimizda, ular Google “bulutli” serverida saqlanayotgan akkauntimizga ko‘chiriladi va unda saqlanadi. Endi xuddi shu amallarni yangi smartfonda ham takrorlaymiz, shunda serverdagi akkauntimizdagi barcha kontaktlar unga ko‘chadi.

Eslatib o‘tamiz, akkauntlarni sinxronlash internet vositasida amalga oshiriladi.

DiMaX Terabayt.uz

Оставьте комментарий

ArabicEnglishFrenchGermanKazakhKyrgyzRussianTajikTurkishUzbek