Mahsulotlarni iste’mol qilish uchun eng maqbul payt

DO`STLARGA ULASHING:

Banan

Tushlikda iste’mol qilish immunitetni ko‘taradi, teri holatini yaxshilaydi

Kechki ovqatda tanovul qilish ovqat hazm qilish faoliyati bilan bog‘liq muammolarga sabab bo‘ladi

Olma

Nonushtada iste’mol qilish uning tarkibidagi pektin moddasi mavjudligi sabab qondagi xolesterin va qandi pasaytirish xususiyatiga ega
Kechki ovqatda iste’mol qilingan olma tarkibidagi pektin moddasi tunda qiyin hazm bo‘ladi, u me’da kislotasining ortib ketishiga sabab bo‘lishi ham mumkin.

Kartoshka

Nonushtada tanovul qilingan kartoshka xolesterin miqdorini pasaytiradi
Kechki ovqatda iste’mol qilingan kartoshka tarkibida uglevodlar ko‘p bo‘lgani bois ortiqcha vazn yig‘ilishiga sabab bo‘ladi.

Sut

Tunda iste’mol qilingan issiq sut tinchlantiruvchi xususiyatga ega bo‘lib yaxshi uxlashga ta’sir etadi.
Nonushtada ichilgan sut esa hazm jarayoniga salbiy ta’sir etadi.

Turli xildagi yong‘oqlar

Tushlik va kechki ovqatlanish orasida yengil tamaddi qilib oluvchilar uchraydi. Bu vaqtda iste’mol qilingan yong‘oq qon bosimini me’yorlashtiradi.
Kechki ovqatda tanovul qilish esa, ortiqcha vazn yig‘ilishiga sabab bo‘ladi.

Apelsin

Yengil tamaddi vaqtida yeyilgan apelsin hazm jarayonini yaxshilaydi, moddalar almashinuviga samarali ta’sir ko‘rsatadi.
Nonushtaga tanovul qilingan meva me’da faoliyatiga salbiy ta’sir etadi va gastritga sabab bo‘lishi mumkin.

Pomidor

Nonushtaga tanovul qilingan pomidor ovqat hazm qilish jarayonini yaxshilab, moddalar almashinuviga samarali ta’sir ko‘rsatadi.
Kechki paytda iste’mol qilingani oshqozon og‘rig‘iga sabab bo‘lishi mumkin.

Guruch

Nonushtada iste’mol qilingan guruch kishini kun davomida energiya manbai bilan ta’minlaydi
Kechki payt tanovul qilingani tana vaznining ortishiga sabab bo‘ladi.

Qora shokolod

Nonushtada iste’mol qilingani antioksidantlar manbai bo‘lib xizmat qiladi. U yurak xastaliklarini oldini olishda muhim ta’sir kuchiga ega.

Kechki payt tanovul qilingan shokolod ortiqcha vaznga sabab bo‘ladi.

Anjir va quritilgan meva qoqilari

Nonushtada tanovul qilish moddalar almashinuvini yaxshilab, hazm jarayoniga ijobiy ta’sir etadi.
Tunda iste’mol qilingani esa hazm jarayoni muammolariga sabab bo‘ladi.

Pishloq

Nonushtaga yeyilgan pishloq ortiqcha vazn yig‘ilishiga qarshi samarali ta’sir ko‘rsatadi.
Tunda istemol qilinsa,bu mahsulotning  hazm bo‘lishi qiyin bo‘lib, me’da faoliyatiga salbiy ta’sir ko‘rsatish holatlari kuzatilishi mumkin.

Xurshida HUSENOVA

soglom.uz/tavsiya/mahsulotlarni-istemol-qilish-uchun-eng-maqbul-payt/

Оставьте комментарий

ArabicChinese (Traditional)EnglishFrenchGermanHindiKazakhKyrgyzRussianSpanishTajikTurkishUkrainianUzbek