Shaytanat seriali haqida

DO`STLARGA ULASHING:

Shaytanat — Tohir Malik qalamiga mansub „Shaytanat“ asari asosida 1998-yilda suratga olingan kriminal teleserial^[1]. „Shaytanat“ — Oʻzbekistondagi eng mashhur teleserial hisoblanadi. 1999-yilgi namoyishdan soʻng uning televideniyedagi namoyishiga hech qanday asossiz taʼqiq qoʻyilgan edi. 2018-yilda ushbu taʼqiq olib tashlanishi aytilgan^[2]. 2020-yil 23-martdan boshlab Zoʻr TV telekanalida namoyish qilindi.^[3]

Tafsilotlar

Mashhur qoʻshiqchi Elchin oʻz xotinini qasddan oʻldirganlikda ayblanib, koʻp yillarga qamalib ketadi. Gap shundaki, u gʻirt mast holda qimor oʻynab, hamma narsasini yutqazib qoʻyadi. Yutib chiqish umidida xotinini ham qimorga tikib yuboradi. Oxir-oqibat yutqazib qoʻygan Elchin nima boʻlayotganini anglamay, mastlik taʼsirida uxlab qoladi. Oʻziga kelgach xotinini oʻlik holda topadi. Bu qotillik mashhur jinoiy toʻda yetakchisi Asadbekning odamlari tomonidan sodir etilganini tushunib yetadi. Endilikda Elchinnning maqsadi — Asadbekdan qasos olishdan iborat.