Do’st haqida maqollar

DO`STLARGA ULASHING:

Do’st haqida maqollar.

Do‘stlik – inson hayotining eng katta boyligi. Asrlar davomida ajdodlarimiz do‘stlik va dushmanlik haqida ibratli so‘zlarni, maqol va hikmatlarni yaratib kelgan. Quyida do‘stlikning qadrini, sadoqatini va dushmanlikning oqibatlarini ifodalovchi eng sara maqollar to‘plamini taqdim etamiz.

1. Do‘stlikning qadri va ahamiyati

• Daraxt – ildizi bilan, odam – do‘stlari bilan.

• Do‘stlik – barcha boylikdan afzal.

• Yaxshi do‘st yuz qarindoshdan yaxshi.

• Do‘stsiz boshim – tuzsiz oshim.

• Qadim do‘stlik zanglamas.

• Quyosh havoni isitar, do‘st – qalbni.

• Xalq do‘stligi – yurt boyligi.

2. Do‘st,do’stlik sodiqligi va sinovda bilinishi

• Do‘st og‘ir kunda bilinar.

• Nomarni jang sinaydi, do‘stni – muhtojlik.

• Vafoli do‘st yo‘lga solar, ig‘vogar do‘st paydan olar.

• Jonga kuygan jonday do‘st, jonga kuymas qanday do‘st.

• Do‘sting uchun zahar yut.

• Tirik bo‘lsak – bir yerda, o‘lik bo‘lsak – bir go‘rda.

3. Do‘stning fazilati va xulqi

• Do‘st achitib gapirar, dushman – kuldirib.

• Do‘st boshga boqar, dushman – oyoqqa.

• Do‘st oldingda gapirar, dushman – orqangdan.

• Do‘stga xiyonat qilma, dushmanga – shafqat.

• Do‘sti nodondan, dushmani dono yaxshi.

• Do‘st so‘zini tashlama, tashlab boshing qashlama.

• Kiyimning yangisi – yaxshi, do‘stning – eskisi.

4. Dushmanlik haqida ogohlantiruvchi hikmatlar

• Dushman do‘st orasidan chiqar.

• Dushman siringni o‘g‘irlar, do‘st xatongni to‘g‘rilar.

• Dushmanimning do‘sti – mening dushmanim, dushmanimning dushmani – mening do‘stim.

• Dushmanga joningni bersang ham, siringni berma.

• Dushmanga choh qaziguncha, do‘stingga uy solib ber.

• Dushmaningdan qo‘rqma, munofiqdan qo‘rq.

• Dushmaningni qarg‘ama, do‘stingga tegar.

• Dushmaningning o‘limini tilaguncha, joningning sog‘ligini tila.

• Dushmaning sovg‘asidan qo‘rq.

5. Do‘st va dushman haqida maqollar.

• Do‘st – oltining, dushman – qotiling.

• Do‘st yuzingga boqar, dushman – izingga.

• Do‘st ming bo‘lsa ham – oz, dushman bir bo‘lsa ham – ko‘p.

• Do‘stga dushman bo‘lish oson, dushmanga do‘st bo‘lish qiyin.

• Ginali do‘st – adovatli dushman.

• Ishkambadan go‘sht bo‘lmas, dushman aslo do‘st bo‘lmas.

6. Do‘stlikda rostlik va halollik

• Do‘stingga rost gapir, dushmaningga – maqtanib.

• Do‘stga yolg‘on, dushmanga chin gapirma.

• Hisobli do‘st ayrilmas.

• Hisobdan adashsang ham, do‘stdan adashma.

7. Qiziqarli va hayotiy donoliklar

• Ming so‘ming bo‘lguncha, bitta do‘sting bo‘lsin.

• Bilagi alp birni yiqar, do‘sti ko‘p – mingni.

• O‘rtada burun bo‘lmasa, ko‘z ko‘zni o‘yar.

• O‘tni kavlasang, o‘char, do‘stni kavlasang, kechar.

• Do‘stlarimdan o‘zing saqla, dushmanlarimni o‘zim bilaman.

• Choyning so‘ngini do‘stingga ber.