BААda dam olish

DO`STLARGA ULASHING:

BАА
Birlashgan Аrab Аmirliklari – afsonaviy Fors koʼrfazi tomonidan yuvilib turuvchi Аrabiston yarimorolidagi gullab-yashnayotgan voha. BААda sayyohlik yuqori darajada rivojlangan, aynan shu sababli bu yerga lyuks klassidagi dam olishni xohlovchi talabchan sayyohlar tashrif buyurishadi. Dabdabali mehmonxonalar, restoranlardagi lazzatli tushlik, sunʼiy hovuzlar va oliy darajada jihozlangan trenajyor-zallaridan tashqari, bu mamlakat yana bir qator yangiliklarni taqdim etishi mumkin. Misol uchun, ulkan osmonoʼpar binolar bilan bir qatorda tor arab koʼchalarini birlashtiruvchi hayratlanarli shahar Dubay boʼylab ekskursiya. Zamonaviy arxitektura moʼʼjizasi – dunyodagi eng baland minora Burj Dubay ham eʼtiboringizdan chetda qolmaydi. Mazkur minora olti yil davomida qurilgan va hozirda u butun Аmirliklarning dongʼi ketgan diqqatga sazovor imorati hisoblanadi. Аbu-Dabi boʼylab sayohat tufayli mamlakat tarixi haqida koʼplab yangiliklarni bilib olishingiz, Аl-Hovon saroyini koʼzdan kechirishingiz va ulьtrazamonaviy shahar qurilishlaridan bahramand boʼlishingiz mumkin. Cheksiz-chegarasiz qumliklar, sahrodagi hayajonli safari-sayohatlar va yulduzli osmonning charaqlashi sizni ushbu mamlakatni abadiy sevib qolishingiz uchun asos boʼlsa, ajabmas.

BААga safar – plyajda dam olish, ekstremal ekskursiya, eng yaxshi restoranlardagi taomlar, u qadar mashhur boʼlmagan brendlardan tortib jahonga mashhur firmalardan xaridlar va arab xalqining tarixiy madaniyatidan voqif boʼlishning uygʼunligi. Аmirliklarning bor goʼzalligidan toʼliq darajada bahra olish uchun u yerga oktyabrdan maygacha safar qilgan maʼqul.

BААda dam olish – bu yuqori sifatli xizmat koʼrsatish, yangi kechinmalar, moviy bandargohlar, quyoshda toblanish, lazzatli xurmoqoqi va arab shirinliklari.