Cholg‘u asboblari haqida topishmoqlar

DO`STLARGA ULASHING:

Uzun terak yiqildi,
Uchi mening qo‘limda.
Zag‘izg‘oni sayraydi,
Sochi mening qo‘limda.
(Tanbur)

Uch ayg‘ir,
haydadim tekis yo‘lga,
Uchoviga o‘n odam
xizmat qilar zo‘rg‘a-zo‘rg‘a.
(Dutor)

Bogda bulbul sayraydi,
Egalari so‘zlaydi.
(Dutor)

Tomda turib gilam qoqdim.
(Nog‘ora)

Hasan dorozi bir bukur,
Hovliga soladi zikir.
Har mo‘ridan tutun chiqsa,
Bachchalar tapir-tupur.
(Karnay)

Tomda turib gilam qoqdim,
Changi jahonga ketdi.
(Nog‘ora)

O’zi mitti,
Ovozi olamga yetdi.
(Surnay)

Joni yo‘q,
Ursa yig‘laydi.
(Qo‘ng‘iroq)