Kuz fasli haqida sherlar

DO`STLARGA ULASHING:

Kuz fasli haqida sherlar

Kuz fasli haqida matnlar

Oltin kuzim

Asom Ziyomat

Mevalarni

Shakar etding,

Yaproqlarni

Sim-zar etding,

 

Oltin kuzim.

To’kin-sochin

Dala-yu bog…

Dehqonlarning

 

Dimog’i chog’,

Saxiy kuzim.

Kuz

Tursunboy Adashboyev

 

Yana xazonrezgilik,

Bog’lar rangi siniqdi.

Dilda hokim ezgulik,

Anhorda suv tiniqdi.

 

Oq yaktakli qayinlar

Taqdi yana zar baldoq.

Qushlarga gap tayinlab,

Chag’-chag’laydi zarg’aldoq.

 

Ufq orti lolagun,

Daraxtlardan rang olar.

Xayrlashib kuz bugun,

Sochar oltin tanghalar.

So‘nggi yaproq

Dilshod Rajab

Daraxtning bir

Butog‘i

Tutib turar

Yaproqni

 

Qo‘llarida

Avaylab.

Nogoh kelar yel

Poylab.

 

Tortqilay boshlar

Yulqib,

Daraxt qaltirar

Dir-dir.

 

…Ey to‘ymas yel —

Quv, baxil,

Rahm qil-da,

Bu, axir

 

Shir yalong‘och

Daraxtning

Qolgan so‘nggi

Chaqasi.

erkatoy.uz

1 комментарий к “Kuz fasli haqida sherlar”

Оставьте комментарий